قىتايدىڭ ورتالىق تەلەۆيدەنيەسىندە «تىعىرىقتان جول تاپقان» فيلمى كورسەتىلەدى - فوتو
كينو كارتينانى قىتاي تىلىنە دەرەكتى جانە عىلىمي- تانىمال فيلمدەردى وندىرەتىن ەلدەگى ءىرى «Zhongyang xinying jituan» كومپانياسى اۋداردى. دۋبلياج رەجيسسەرى ق ح ر ۇزدىك دىبىس رەجيسسەرلارىنىڭ بەستىگىنە كىرگەن سيۋي ۆەيتسزيۋن (Qu Weijun) بولدى.
جۋرناليستكە بەرگەن سۇحباتىندا ول العان اسەرىمەن ءبولىستى.
ونىڭ سوزىنە قاراعاندا، فيلمدى بىرنەشە رەت قايتالاپ كورگەن، داۋىستارى كەلەتىن اكتەرلەردى ىزدەگەن. ونىڭ جۇمىسى قىتاي قاۋىمىنىڭ قازاقستان جانە ونىڭ باسشىسىمەن تانىسۋىنا كومەكتەسەتىنىنە ريزا.
«پرەزيدەنت ءوزىنىڭ ەڭبەك جولىن قاراپايىم جۇمىسشى بولۋدان باستاعان. الايدا ونىڭ ەكونوميكالىق رەفورمالار بويىنشا ورىندى ۇسىنىستارى باسشىلىقتىڭ نازارىن اۋدارتتى. سول كەزدەن- اق كەي جۇمىسشىلار بولاشاق پرەزيدەنتتىڭ كوشباسشىلىق قاسيەتتەرىن كورگەن»، - دەپ اتاپ ءوتتى قىتايلىق دىبىس رەجيسسەرى.
ەسكە سالا كەتەيىك، «تىعىرىقتان جول تاپقان» كينوكارتيناسى - بۇل «ەلباسى جولى» كينوەپوپەياسىنىڭ ءتورتىنشى ءبولىمى: «بالالىق شاعىمنىڭ اسپانى»، «وتتى وزەن» جانە «تەمىرتاۋ». ونىڭ پرەمەراسى 2014 - جىلدىڭ جەلتوقسانىندا ءوتتى.
فيلمدە باس كەيىپكەردىڭ ومىرىندەگى ماڭىزدى كەزەڭدى - ورتالىق ازياداعى ءىرى مەتاللۋرگيالىق كاسىپورىن - تەمىرتاۋ قالاسىنداعى قاراعاندى مەتاللۋرگيا كومبيناتى پارتيا ۇيىمىنىڭ باسشىسى رەتىندە قالىپتاسۋى كەزەڭىن سۋرەتتەيدى. قازاقستاندىق ماگنيتكانى جاڭا دەڭگەيگە كوتەرۋ ءۇشىن نۇرسۇلتان نازاربايەۆ كوپ ەڭبەكتەنۋى كەرەك، جۇمىستىڭ يننوۆاتسيالىق ادىستەرىن ەنگىزۋى قاجەت.
بۇل كەزدە جۇمىسشىلاردىڭ مۇددەلەرىن قورعاپ، ولاردىڭ ەڭبەك جاعدايىن جاقسارۋعا ۇمتىلعان جاس باسشى تالابىن عانا ەمەس، سونىمەن بىرگە بولاشاق مەملەكەتتىك قايراتكەردىڭ ليدەرلىك قاسيەتتەرى كورسەتىلەدى. وندىرىستەگى تاجىريبەسى، ماقساتىنا جەتۋدەگى ۇمتىلىسى، شىدامدىلىعى ونىڭ سىننان وتۋىنە كومەكتەسىپ، ارىپتەس مەتاللۋرگتەر اراسىندا قۇرمەتكە يە بولادى.
تۋىندى رەجيسسەرى - رۇستەم ابدىراشيەۆ، شاحيماردەن قۇسايىنوۆپەن بىرلەسىپ سسەناريىن جازدى. فيلم پروديۋسەرى - ارمان اسەنوۆ، وپەراتور - ساپار قويشىمانوۆ، سۋرەتشىسى - ءسابيت قۇرمانبەكوۆ، ءومىرزاق شمانوۆ، مونتاجىن جاساعان - عالىمجان سانبايەۆ.
باستى رولدەردە - نۇرلان ءالىمجانوۆ، تولەپبەرگەن بايساقالوۆ، ۆالەنتين گافت، ەۆگەني سيديحين، ۆلاديمير ستەكلوۆ، سەرگەي شاكۋروۆ، ماريا گولۋبكينا، يگور ياسۋلوۆيچ، ەۆگەنيي ستىچكين، ەسليام نۇرتازين، ءمادينا ەسمانوۆا.
