قازاق كۇرەسى مەكتەپتەردە ساباق بولىپ ەنگىزىلسە - د. قالەتايەۆ
«قازاق كۇرەسىن وليمپيادا ويىندارىنا ەنگىزۋگە تىرىسۋدامىز جانە وسى باعىتتا قاجەتتى ءىس- قيمىلداردى جۇزەگە اسىرۋ قاجەت. مىسالى، جاپوننىڭ سۋمو كۇرەسى وليمپياداعا كىرمەسە دە، ونى بۇكىل الەم تاماشالايدى. ءدال سونداي دەڭگەيگە ءبىز دە جەتسەك، وتە جاقسى بولار ەدى. جالپى، ۇكىمەتتە جۇرگەن اعالارىمىز قازاق كۇرەسىن وليمپياداعا ەنگىزۋ ماسەلەسىن كوتەرگەن بولاتىن، الايدا بۇل باعىتتا قىرۋار جۇمىس جاساۋ كەرەك»، - دەدى ق ر قازاق كۇرەسى فەدەراتسياسىنىڭ پرەزيدەنتى ارمان شورايەۆ.
ءوز كەزەگىندە «سامۇرىق- قازىنا» ۇلتتىق ءال- اۋقات قورىنىڭ جۇرتشىلىقپەن بايلانىس جونىندەگى باس ديرەكتورى دارحان قالەتايەۆ قازاق كۇرەسىنىڭ دامۋى مەملەكەتتىك دەڭگەيدە قارالۋى ءتيىس ەكەنىن اتاپ ءوتتى.
«مۇمكىن، بولەك باعدارلاما رەتىندە مەكتەپتە ءبىر فاكۋلتاتيۆتىك (ەرىكتى تاڭداۋ) ساباق بولىپ كىرگىزىلسە دەگەن ويدامىن. سپورتتىڭ بۇل ءتۇرى قازاقستان بويىنشا جاقسى دامىپ كەلە جاتىر. مەنىڭ ويىمشا، ءبىزدىڭ قۇزىرەتتى ورگاندار وسىعان ءمان بەرۋ كەرەك»، - دەدى.
بۇدان بولەك «نۇر وتان» پارتياسىنىڭ حاتشىسى قۇمار اقساقالوۆ قازاق كۇرەسىنىڭ حالىقارالىق دەڭگەيدە جاقسى ناسيحاتتالىپ جاتقاندىعىنا توقتالا كەلە: «ءبىزدىڭ ەڭ جوعارى ماقساتىمىز - ۇلتتىق سپورتىمىزدى وليمپياداعا دەيىن جەتكىزۋ»، - دەدى.
اۆتور: رۋسلان عابباسوۆ
