قازاقستان مەن ليتۆا اراسىندا زاڭسىز كوشى- قونمەن كۇرەس جاندانادى
اتالعان كەلىسىمگە 2011 -جىلى 6 -قازاندا استانادا قول قويىلعان.
زاڭ جوباسىنىڭ كۇشىنە ەنۋى ارقىلى ەكى ەلدىڭ اراسىنداعى جالپى ازاماتتىق، ۇلتتىق پاسپورت يەلەرى ءۇشىن ۆيزاسىز رەجيم ورناتۋعا نەگىزگى شارت بولماق. بۇل رەتتە قۇجات ەكى مەملەكەتتىڭ اۋماعىنا كىرۋ جانە وندا بولۋ شارتتارىن بۇزعان ادامداردى انىقتاپ، ولاردى ەلدەرىنە قايتارۋدى كوزدەيدى.
اتالعان ساناتقا ەلىمىزدىڭ اۋماعىنا زاڭسىز كىرگەن نەمەسە زاڭدى كىرگەن، ءبىراق ۆيزا نەمەسە رۇقساتىنىڭ ۋاقىتى ءوتىپ كەتكەننەن كەيىن ەلىمىزدە قالعان ادامدار جاتادى.
بۇل رەتتە استانا جانە الماتى قالالارىنىڭ حالىقارالىق اۋەجايلارى رەادميسسيا ءۇشىن قازاقستاننىڭ شەكاراسىن كەسىپ ءوتۋ پۋنكتى بولىپ بەكىتىلەدى. ال قازاقستان مەن ليتۆا رەسپۋبليكاسىنىڭ ىشكى ىستەر مينيسترلىكتەرى وسى كەلىسىمدى ىسكە اسىراتىن قۇزىرەتتى ورگاندار بولىپ تابىلادى.
تۇتاستاي العاندا، قۇجاتتى راتيفيكاتسيالاۋ زاڭسىز كوشى- قونمەن كۇرەسۋگە مۇمكىندىك بەرەدى. مەملەكەتتەردىڭ اۋماعىندا زاڭسىز جۇرگەن ازاماتتاردى حالىقارالىق قۇقىققا سايكەس قابىلداۋدى جانە ولاردىڭ ترانزيتىن جەڭىلدەتەدى.
اۆتور: قانات مامەتقازى ۇلى
