ەل مەن بولاشاق ءۇشىن سالىنىپ جاتقان جولداردىڭ ساپاسى ايرىقشا نازاردا بولماق - اپتالىق شولۋ
«جاڭا بەسجىلدىق اياسىندا ءبىرقاتار يندۋستريالدىق جوبالاردى ىسكە قوسىپ جاتىرمىز. الدا اتقارىلاتىن ىستەر قازاقستاننىڭ ەكونوميكاسىن ودان ارى دامىتۋعا ۇلەسىن تيگىزەتىن بولادى. ەلىمىزدىڭ الەۋەتىن ارتتىرا ءتۇسۋ ءۇشىن بۇل ساياساتتى جۇزەگە اسىرۋدىڭ ماڭىزى قازاقستان ءۇشىن وتە زور. بۇگىنگى باسقوسۋ وسى باعىتتاعى مىندەتتەردىڭ ورىندالۋ باعدارلاماسىن، ىسكە قوسىلاتىن وندىرىستەر جايىندا، ءونىم ساپاسى مەن شەتەلگە شىعارىلاتىن تاۋارلار تۋرالى تالقىلايمىز»، - دەدى پرەزيدەنت.
ەلباسى وسى ماسەلەلەرگە ەرەكشە نازار اۋدارىپ وتىرعانىن ايتا كەلە، ەڭ باستىسى، ەكونوميكا ءوسىمى قارقىنىنىڭ تومەندەۋىنە جول بەرمەۋ كەرەك ەكەنىن، سوندىقتان باستى ماقسات- مىندەتتەردىڭ ورىندالۋى قاداعالاۋدا بولۋى قاجەت ەكەنىن قاداپ ايتتى.
مەملەكەت باسشىسى يندۋستريالاندىرۋدىڭ ەكىنشى بەسجىلدىعى بۇرىنعىدان دا ناقتىراق كورىنىسكە يە ەكەنىن ايتتى. «باسىمدىعى بار التى سالا انىقتالدى، ولار - مۇناي وڭدەۋ جانە مەتاللۋرگيا كەشەنى، تاماق جانە حيميا ونەركاسىبى، ونەركاسىپتىك جابدىقتار جانە قۇرىلىس ماتەريالدارى ءوندىرىسى. ءبارىنىڭ نەگىزىندە كلاستەرلىك تاجىريبە جاتىر. جاڭا باعدارلامادا ءبىز ءبىرىنشى بەسجىلدىقتىڭ ساباقتارىن بارىنشا ەسكەرىپ، جيناقتالعان تاجىريبەنى قولدانۋعا تىرىستىق»، - دەپ اتاپ ءوتتى پرەزيدەنت.
سونىمەن قاتار قازاقستان پرەزيدەنتى بۇگىندە وڭدەۋ ونەركاسىبىندە شەتەلدىك ينۆەستورلاردىڭ قاتىسۋىمەن 22 جاڭا جوبا جۇزەگە اسىرۋعا دايىندالىپ جاتقانىنا اتاپ ءوتتى. «جۇيە قۇراۋشى ءبىرقاتار ءىرى جوبالار بويىنشا جۇمىس جۇرگىزىلۋدە. ماسەلەن، «رەنو- نيسسان» اليانسىمەن بىرلەسىپ، تولىق تسيكلدى اۆتوزاۋىتتىڭ جانە اۆتوقۇرامداۋىشتار شىعاراتىن تەحنوپاركتىڭ قۇرىلىسى ىسكە قوسىلادى.
يتاليانىڭ «تەناريس» كومپانياسى پرەميۋم ساناتتى قۇبىر وندىرەتىن زاۋىتقا ينۆەستيتسيا سالادى. اعىلشىندىق «داندو دريلينگپەن» بىرلەسىپ، بۇرعىلاۋشى قوندىرعىلار وندىرەتىن زاۋىت ىسكە قوسىلادى. رەسەيلىك «ەۆروحيم» مينەرالدىق تىڭايتقىشتار ءوندىرۋدى جوسپارلاپ وتىر. كانادانىڭ «كۋدۋ ينداستريز» كومپانياسى مۇناي- گاز سالاسىنا ارنالعان ءۆينتتى- سورعىلار ءوندىرىسىن جولعا قويۋعا نيەتتى. «جىبەك جولى» باعدارلاماسى بويىنشا ىنتىماقتاستىق اياسىندا قىتايلىق سەرىكتەستەرمەن جوبالاردىڭ ۇلكەن ءبىر توبى جۇزەگە اسىرىلۋدا»، - دەدى مەملەكەت باسشىسى.
مۇنىمەن قوسا ەلباسى د س ۇ- عا مۇشە بولۋ ەكونوميكامىز ءۇشىن جاڭا كوكجيەكتەرگە جول اشاتىنىنا نازار اۋداردى. ءبىر جاعىنان، بۇل ءبىزدىڭ كاسىپورىنداردىڭ شەتەلدىك الىپ نارىقتارعا شىعۋىن، ەكىنشى جاعىنان، تۇتىنۋشىلاردىڭ كوپتەگەن تاۋارلار مەن قىزمەتتەرگە قول جەتكىزۋىن قامتاماسىز ەتەدى. «جاڭا وندىرىستەر مەن جۇمىس ورىندارىن اشۋعا مۇمكىندىك الامىز. ءبىزدىڭ مىندەتىمىز - قازاقستان كومپانيالارىنىڭ جاڭا جاعدايعا تەزىرەك بەيىمدەلىپ، د س ۇ- عا كىرۋدەن مەيلىنشە پايدا تابۋعا كومەكتەسۋ»، - دەدى ن. نازاربايەۆ.
ايتا كەتەيىك، وسى شارا بارىسىنداعى جالپىۇلتتىق تەلەكوپىر اياسىندا يندۋستريالاندىرۋ كارتاسى مەن «نۇرلى جول» باعدارلاماسىنىڭ ءبىرقاتار جوبالارى ىسكە قوسىلدى. «ونلاين» رەجىمىندە 10 جاڭا نىسان پايدالانۋعا بەرىلدى. بۇدان بولەك، مەملەكەت باسشىسىن ورال- ر ف شەكاراسى اۆتوجول ۋچاسكەسى قۇرىلىسىنىڭ باستالۋى جانە «اقتاۋ تەڭىز پورتى» ە ە ا- ندا 3 قۇرعاق جۇك تەرمينالى قۇرىلىسىنىڭ اياقتالعاندىعى تۋرالى حاباردار ەتەدى. سونىمەن بىرگە ق ر پرەزيدەنتىنە 5 ينفراقۇرىلىمدىق نىساننىڭ قۇرىلىس بارىسى تانىستىرىلادى.
پرەزيدەنت ەل مەن بولاشاق ءۇشىن سالىنىپ جاتقان جولداردىڭ ساپاسىنا مۇقيات قاراۋدى تالاپ ەتەتىنىن اتاپ ءوتتى.
«اۆتوكولىك جولى، تەمىر جول بولاشاق ۇرپاق ءۇشىن سالىنىپ جاتىر. قازاقستاننىڭ بارلىق جەرىندە توقتاماستان جول سالىنۋدا. استانادان تارايتىن ساۋلە سياقتى جان- جاققا شىعاتىن ساپالى جول بولادى. ءبىزدىڭ كەڭ بايتاق ۇلى دالانىڭ جەرىندە ۇلكەن جولدار اشىلىپ، حالىققا جۇمىس ورىندارى قۇرىلادى. سوندىقتان سالىنىپ جاتقان جولدىڭ ساپاسىنا وتە ۇلكەن كوڭىل بولۋلەرىڭ كەرەك. بيىل سالىنىپ، ەندىگى جىلى قايتادان جوندەۋگە تۇسەتىن بولماسىن»، - دەدى پرەزيدەنت جاۋاپتى ۆەدومستۆولارعا قاراتىپ ايتقان سوزىندە.
وسى ورايدا ەلباسى جول قۇرىلىسىنا، ينفراقۇرىلىمعا قىرۋار قارجى سالىنىپ جاتقاندىعىن، جاڭا تەحنيكالار تارتىلىپ وتىرعاندىعىن، ماماندار دايارلىقتان ءوتىپ جاتقاندىعىن ايتا كەلە: «بارلىعىنىڭ ساپاسى سىزدەردىڭ مويىندارىڭىزدا. ەل مەن بولاشاق ءۇشىن سالىنىپ جاتقان جولداردىڭ ساپاسىنا مۇقيات قاراۋلارىڭدى تالاپ ەتەمىن!» - دەدى.
لاڭكەستىكپەن جانە ەكسترەميزممەن كۇرەس جۇمىستارى اۋقىمدى بولۋى ءتيىس
وسى اپتانىڭ باسىندا استانادا ورتالىق جانە وڭتۇستىك ازيا ەلدەرىندەگى زورلىق- زومبىلىق ەكسترەميزمگە قارسى ءىس- قيمىل جونىندەگى وڭىرلىك كونفەرەنتسياسى ءوتىپ، وعان قر پرەمەر- ءمينيسترى كارىم ءماسىموۆ قاتىستى. ايتا كەتەيىك، كونفەرەنتسيا جۇمىسىنا الەمنىڭ 24 ەلىنەن كەلگەن دەلەگاتسيالار، ياعني ەو مەن رەسەيدىڭ جانە ا ق ش- تىڭ وكىلەتتى ورگاندارىنىڭ وكىلدەرى، بۇۇ، ەقىۇ، شىۇ، سونداي- اق باسقا دا حالىقارالىق ۇيىمدار مەن ازاماتتىق قوعامنىڭ وكىلدەرى، لاڭكەستىك پەن ەكسترەميزمگە قارسى كۇرەس سالاسىنداعى جەتەكشى ساراپشىلار قاتىستى.
«بىزگە زورلىق- زومبىلىق ەكسترەميزممەن كۇرەسۋگە دايىن كونسترۋكتيۆتى كۇشتەرمەن ءوزارا ءتيىمدى ديالوگ ورناتۋ قاجەت. ول ءۇشىن ۆەدومستۆولاردىڭ ارنايى قىزمەتتەرىنىڭ بايلانىستارىن نىعايتۋ مەن ىنتىماقتاستىعىن دامىتۋدى بۇدان ءارى قاراي جالعاستىرۋ بويىنشا شارالاردى توقتاتپاۋىمىز قاجەت»، - دەدى ك. ءماسىموۆ.
قازاقستان اتالعان قاتەرلەرگە قارسى بارلىق ءىس - قيمىلداردى جۇزەگە اسىرىپ جاتقاندىعىنا توقتالعان پرەمەر- مينيستر: «بۇگىندە زورلىق- زومبىلىق لاڭكەستىكپەن جانە ەكسترەميزممەن كۇرەس بويىنشا بارلىعىن تەگىس قامتيتىن حالىقارالىق كونۆەنتسيا قابىلدانباعان. بۇل ءوز كەزەگىندە ءبىز ءۇشىن ماڭىزدى قۇجات بولار ەدى. قازىرگى كەزدە قولدانىستاعى حالىقارالىق كەلىسىم اتالعان قاتەرلەردىڭ تەك جەكەلەگەن قۇبىلىستارىمەن كۇرەسۋگە باعىتتالعان. سوندىقتان دا وسى باعىتتاعى جۇمىستار اۋقىمدى بولۋى ءتيىس. وسى زۇلىمدىقپەن كۇرەسكە نەگىزدەلگەن قاجەتتى شارالاردى قابىلداۋعا ءازىرمىز جانە ىنتىماقتاستىق ءۇشىن ءاردايىم اشىقپىز» ، - دەدى.
سونىمەن قاتار ۇكىمەت باسشىسى الەۋمەتتىك جەلىلەردە لاڭكەستەردىڭ ارەكەتىمەن كۇرەستە بىرلەسكەن جانە جۇيەلى شارالار ىسكە اسىرىلۋى ءتيىس ەكەنىن جەتكىزدى.
ەكسترەميزمگە جانە لاڭكەستىككە ادامداردى تارتۋدىڭ نەگىزگى ادىستەرىنىڭ ءبىرى ينتەرنەت ارقىلى جۇزەگە اسىرىلاتىندىعىن ايتقان پرەمەر- مينيستر: «ولار الەمدىك جەلىنى بۇلدىرگى يدەولوگيانى، وشپەندىلىك پەن زورلىق- زومبىلىقتى، سودىرلاردى تارتۋ مەن دايارلاۋدى، اقپارات الماسۋ، قىلمىستىق ءىس- قيمىلداردى جوسپارلاۋ جانە ۇيلەستىرۋ ءۇشىن پايدالانادى.
ماسەلەن، تانىمال Facebook-تەن What's app-قا دەيىنگى الەۋمەتتىك جەلىلەردە لاڭكەستەردىڭ قارۋلى دجيحادقا شاقىراتىن مالىمدەمەسىن ءبىر تاۋلىكتە 2 ميلليوننان استام ادام قاراپ شىققان. قازاقستان وسى ماتەريالداردى انىقتاپ، توسقاۋىل قويۋدا. الايدا بۇل باعىتتا ءبىزدىڭ كۇش- جىگەر بىرلەسكەن جانە جۇيەلى تۇردە ىسكە اسىرىلۋى ءتيىس. سونىمەن بىرگە ەكسترەميزم مەن لاڭكەستىكتى ناسيحاتتاۋدىڭ جولىن كەسۋدە ازاماتتىق قوعام ۇلكەن ءرول اتقارۋى كەرەك»، - دەدى.
ۇكىمەت باسشىسىنىڭ پايىمىنشا، ەكسترەميزم قاتەرى مەملەكەتتەردىڭ ىنتىماقتاستىعى مەن ۇيلەستىرۋ كۇش- جىگەرىن ۇزاقمەرزىمدى نەگىزدە تەرەڭدەتۋدى تالاپ ەتەدى.
بۇدان بولەك، كونفەرەنتسيا بارىسىندا ق ر ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ بۇقارالىق اقپارات قۇرالدارىندا دايش-تى «يسلام مەملەكەتى» دەپ اتاۋعا قارسى ەكەنىن اتاپ ءوتتى.
«د ا ي ش - ءوزىن «يسلام مەملەكەتى» دەپ اتاپ جۇرگەن لاڭكەستىك ۇيىم. شىن مانىندە ولار ءتۇرلى ەلدەردىڭ ونداعان مىڭ وكىلدەرىن قامتي وتىرىپ، ءدىني ەكسترەميستىك ينتەرناتسيونالعا اينالىپ وتىر. اتاپ ايتقاندا، ساياساتكەرلەر مەن جۋرناليستەردىڭ دايش- كە قاتىستى «يسلام مەملەكەتى» ۇعىمىن كەڭىنەن پايدالانۋىن دۇرىس ەمەس دەپ سانايمىز» ، - دەدى ۇ ك ك ءتوراعاسى.
وسى ورايدا ول «مەملەكەت» دەگەن تەرميندى پايدالانۋ قاتە ەكەنىن قاداپ ايتتى. ء«بىز وزىمىزدەگى ارنايى قىزمەتتە دايش اببريەۆياتۋراسىن پايدالانامىز. ولار وزدەرىن قالاي اتاعانىمەن، «مەملەكەت» دەگەن تەرميننىڭ ورنىنا، اتالعان اببريەۆياتۋرانى قولدانعان دۇرىس بولار ەدى. بۇگىندە دايش حاليفاتتى قۇرۋدى بەلسەندى العا جىلجىتۋدا. بۇلار سولتۇستىك افريكادان قىتايعا دەيىنگى كەڭىستىكتى قامتۋدى كوزدەپ وتىرعان سىڭايلى. ۇيىمنىڭ جاقتاستارى اۋعانستاندا پايدا بولۋدا. بۇل ءوز كەزەگىندە ءبىزدى الاڭداتپاي قويمايدى»، - دەدى ن. ابىقايەۆ.
بۇل تۇرعىدا كونفەرەنتسيا بارىسىندا تىلشىلەرگە بەرگەن سۇحباتىندا ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين د ا ي ش-تى دىنمەن بايلانىستىرماۋ كەرەك ەكەنىن اتاپ ءوتتى. كوبىنەسە ساراپشىلار، باق وكىلدەرى، مەملەكەتتىك بيلىك ورگاندارىنىڭ وكىلدەرى لاڭكەستىك ماسەلەسىنە قاتىستى پىكىر بىلدىرگەن كەزدە ەڭ كوپ اتالىپ جۇرگەن ۇيىمداردىڭ ءبىرى د ا ي ش- تى اقپاراتتىق كەڭىستىكتە «يسلام مەملەكەتى» دەپ ءجيى اتاي سالادى. بۇل وتە قاتە تۇجىرىم.
«وسى توپ ءوزىن بۇلاي اتادى ەكەن دەپ ءبىز ولاردى سولاي اتاۋعا مىندەتتى ەمەسپىز. قىلمىسكەرلەر وسى اتاۋدى قولدانۋ ارقىلى بەلگىلى ءبىر ستراتەگيالىق ماقساتتاردى كوزدەيدى. ياعني، بەلگىلى ءبىر اۋماقتا بەكىنگەنىن، ولاردىڭ قاتارلارى ارتىپ كەلە جاتقانىن كورسەتكىسى كەلەدى. ءسويتىپ، كەيىننەن ولاردى مويىنداۋعا ءتيىستى العىشارتتار دايىنداپ جاتقانداي بولادى»، - دەدى ە. قارين.
ول بۇل توپتى قالاي بولسا دا «يسلام مەملەكەتى» دەپ اتاۋدان ساقتانۋىمىز كەرەك ەكەنىن قاداپ ايتتى.
«ەڭ باستىسى «يسلام مەملەكەتى» دەگەن اتاۋ كەڭىنەن قولدانىلعاننان، وسى توپتىڭ تاراپىنان جاسالاتىن ءىس- قيمىلداردىڭ بارلىعى ءدىني سيپاتقا يە بولادى. ياعني، بارلىعى ونى يسلام دىنىمەن بايلانىستىراتىن بولادى. سوندىقتان ونى دىنمەن مۇلدەم بايلانىستىرماۋ قاجەت»، - دەدى ينستيتۋت ديرەكتورى.
وسى ورايدا ە. قارين د ا ي ش وكىلدەرىنىڭ ءوز ماقساتتارىنا جۇمىس ىستەپ جاتقان قىلمىسكەرلەر ەكەنىن اتاپ ءوتتى.
2015-2019 -جىلدارى 46 مىڭنان استام مامان قاجەت
ءوتىپ بارا جاتقان بۇل اپتادا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىنا ق ر ءبىلىم جانە عىلىم ۆيتسە- ءمينيسترى ەسەنعازى يمانعاليەۆ قاتىستى. ونىڭ سوزىنە قاراعاندا، ق ر ينۆەستيتسيالار جانە دامۋ مينيسترلىگىنىڭ دەرەكتەرىنە سايكەس، 2015-2019 -جىلدارى ارالىعىندا جالپى سانى 257 وڭىرلىك جانە رەسپۋبليكالىق جوبالار ىسكە اسىرىلاتىن بولادى. مۇنداعى كادرلارعا دەگەن جالپى قاجەتتىلىك 46600 ادامدى قۇرايدى.
«ماسەلەن، تەحنيكالىق جانە كاسىپتىك ءبىلىم سالاسىنا كەلەتىن بولساق، «كاسىپقور» حولدينگىمەن كوللەدجدەر اراسىندا وسى كوللەدجدەردى دامىتۋ بويىنشا ءتيىستى شارالار جاسالدى. ەكىنشى بەسجىلدىققا دايىندايتىن ماماندار پىسىقتالدى»، - دەدى ول.
ونىڭ اتاپ وتۋىنشە، «كاسىپقور» حولدينگى 10 كوللەدجبەن ارىپتەستىك نەگىزىندە بىرلەسىپ، 16 جاڭا وقۋ باعدارلاماسىن دايىنداعان. بيىل جىلى ىلكى رەجىمدە ەكى كوللەدجدە، اتاپ ايتقاندا، كوكشەتاۋ جوعارى تەحنيكالىق كوللەدجى مەن اقتوبە پوليتەحنيكالىق كوللەدجىندە وسى باعدارلامالاردىڭ 8 ى ەنگىزىلەتىن بولادى.
«2015 -جىلدىڭ 1 -قىركۇيەگىنەن باستاپ وقۋ پروتسەسىنە ەنگىزىلەتىن وقۋ باعدارلامالارىن كەلىسۋ بويىنشا جۇمىس بەرۋشىلەر جانە كاسىپوداقتارمەن جۇمىس جۇرگىزىلۋدە. ون ىرىكتەلگەن كوللەدجدىڭ التاۋى دۇنيەجۇزىلىك بانك قارىزى ەسەبىنەن ىسكە اسىرىلاتىن تەحنيكالىق جانە كاسىپتىك ءبىلىمدى جاڭعىرتۋ جوباسىنا گرانت الۋشىلار بولىپ تابىلادى. وسى جوبا اياسىندا كوللەدجدەر جالپى سوماسى 425 ملن. تەڭگەنى قۇرايتىن زامانۋي جابدىقتارمەن جابدىقتالعان»، - دەدى ە. يمانعاليەۆ.
بۇگىنگى كۇنى جاڭا تەحنولوگيالاردى ەسكەرە وتىرىپ، جابدىقتاۋ ءۇشىن 57 زەرتحانا مەن وقىتۋ شەبەرحانالارى انىقتالعان ەكەن. بۇل جىل سايىن 200 ملن. تەڭگەنى قاجەت ەتەدى. 10 كوللەدجدىڭ كادرلىق ساپاسىن، الەۋەتىن نىعايتۋ ءۇشىن شارالار قولدانىلادى. سوندىقتان بيىلعى جىلى زاماناۋي جانە جاڭا وقۋ تەحنولوگيالارىمەن 90 ينجەنەرلىك- پەداگوگيكالىق كادرلار بىلىكتىلىگىن ارتتىرادى.
ونىڭ سوزىنشە، جوعارى وقۋ ورنى سالاسىندا 24 جاڭا ءبىلىم بەرۋ باعدارلاماسى ازىرلەنۋدە. بازالىق جوعارى وقۋ ورىندارىندا 24 جاڭا زەرتحانا قۇرۋ جوسپارلانۋدا.
«جاڭا ءبىلىم بەرۋ باعدارلامالارى شەتەلدىك ارىپتەس جوعارى وقۋ ورنىن تارتۋ ارقىلى ازىرلەنىپ، قازاقستاندى يندۋستريالاندىرۋدىڭ 2015-2019 -جىلدارعا ارنالعان رەسپۋبليكالىق جانە وڭىرلىك كارتاسىنا ساي دايىندالعان. سول كارتا بويىنشا 2015-2017 -جىلدارعا ءبىلىم بەرۋ باعدارلامالارىن ازىرلەۋگە ءار جىل سايىن 962,1 ميلليون تەڭگە سوماسىندا بيۋدجەتتىك قاراجات قاراستىرىلعان»، - دەدى ول.
ۇكىمەتتە دسۇ- عا كىرۋ اسپەكتىلەرى تالقىلاندى
وسى اپتانىڭ باسىندا قر پرەمەر- ءمينيسترى كارىم ءماسىموۆ ۇكىمەت وتىرىسىن وتكىزىپ، وندا قازاقستاننىڭ د س ۇ- عا كىرۋ اسپەكتىلەرى قارالدى.
وندا ەكونوميكالىق ينتەگراتسيا ىستەرى ءمينيسترى جانار ايتجانوۆا 22 -ماۋسىمدا جەنيەۆادا جۇمىس توبىنىڭ اقىرعى وتىرىسى وتكەنىن، ونىڭ قورىتىندىسى بويىنشا قازاقستاننىڭ د س ۇ- عا مۇشەلىگى شارتتارىن انىقتاۋ بويىنشا كەلىسسوزدەردى اياقتاۋ تۋرالى رەسمي جاريالانعانىن ەسكە سالىپ ءوتتى.
ءمينيستردىڭ مالىمەتىنشە، كەلىسسوزدەر ءتورت باعىت بويىنشا جۇرگىزىلدى. ولار - اۋىل شارۋاشىلىعىن قولداۋ، جۇيەلىك ماسەلەلەر، قىزمەت كورسەتۋ جانە تاۋارلار نارىقتارىنا قولجەتىمدىلىك.
«سوڭعى 5 -جىل بويى جالعاسقان كەلىسسوزدەر ناتيجەسىندە قازاقستان اۋىل شارۋاشىلىعى ونىمدەرىنىڭ جالپى قۇنىنىڭ %8,5 كولەمىندە اۋىل شارۋاشىلىعىنا مەملەكەتتىك قولداۋ كورسەتۋ مۇمكىندىگىن ساقتاپ قالدى. ال، نەگىزى دسۇ ەلدەرى ءۇشىن ستاندارتتى مولشەرلەمە %5 دى قۇرايدى»، - دەپ باسا ايتتى ج. ايتجانوۆا.
اتالعان قولداۋ ۇكىمەتكە «اگروبيزنەس-2020» باعدارلاماسىن جۇزەگە اسىرۋ اياسىندا جىل سايىن اوك- كە كومەك كورسەتۋگە مۇمكىندىك بەرەتىنىنە سەنىم ءبىلدىردى. «اوك جالپى ءونىمىنىڭ بولاشاقتا ءوسۋى كەزىندە سونداي- اق اۋىل شارۋاشىلىعى سالاسىن دامىتۋعا ارنالعان قولدانۋعا رۇقسات ەتىلگەن مەملەكەتتىك دوتاتسيانىڭ كولەمى ارتادى»، - دەپ تولىقتىردى ج. ايتجانوۆا.
مينيستر سونداي- اق، تاۋارلارعا كەدەندىك اكىمشىلىك ەتۋ اسپەكتىلەرى، د س ۇ مەن ە ا ە و تالاپتارىن ۇيلەستىرۋ، ەكونوميكالىق قىزمەتتىڭ ءتۇرلى سالالارىنداعى وتپەلى كەزەڭدەردىڭ شارتتارى تۋرالى باياندادى.
وتىرىستا سونداي- اق، ورتالىق مەملەكەتتىك ورگاندار باسشىلارى ءسوز سويلەپ، ولار سالالىق نورماتيۆتەردى د س ۇ تالاپتارىنا سايكەس كەلتىرۋ، زاڭنامالىق بازانى قالىپتاستىرۋ بويىنشا شارالار تۋرالى باياندادى. تالقىلاۋ قورىتىندىسى بويىنشا پرەمەر- مينيستر مۇددەلى مەملەكەتتىك ورگاندارعا ءبىرقاتار ناقتى تاپسىرمالار بەردى.
اۆتور: رۋسلان عابباسوۆ
