تاتارستان پرەزيدەنتى: ن. نازاربايەۆ - تەك قازاقستان ءۇشىن عانا ەمەس، الەمدىك دەڭگەيدە تانىلعان ادام

بۇگىن تاتارستان استاناسى قازان قالاسىنىڭ ورتالىق كوشەلەرىنىڭ بىرىنە ەلباسى نۇرسۇلتان نازاربايەۆتىڭ ەسىمىن بەرۋگە ارنالعان سالتاناتتى شارادا تاتارستان پرەزيدەنتىنىڭ مىندەتىن اتقارۋشى رۋستام ميننيحانوۆ وسىلاي دەدى.

 «نۇرسۇلتان ءابىش ۇلى نازاربايەۆ تەك قازاقستان ءۇشىن عانا ەمەس، الەمدىك دەڭگەيدە تانىلعان ادام ءارى رەسەي ءۇشىن ول ءبىزدىڭ پرەزيدەنتىمىز ۆلاديمير ۆلاديمير ءپۋتيننىڭ ەڭ جاقىن سەرىكتەسى. بۇگىنگى كۇنى ەۋرازيالىق كەڭىستىكتە ورىن الىپ جاتقان، پايدا بولعان پروتسەستەر - بۇل ءبىزدىڭ باسشىلىعىمىزدىڭ جەمىسى.

مەنىڭ ويىمشا، بۇگىنگى كۇننەن باستاپ ودان ارى ءبىز ءبىر- بىرىمىزگە جاقىنداي تۇسەتىن بولامىز. ويتكەنى، نازاربايەۆ سىندى ۇلى ادامنىڭ ەسىمى مارتەبەلى كوشەلەردىڭ بىرىنە بەرىلىپ وتىر. ەندىگى ۋاقىتتا ءبىز بۇل داڭعىل ۇلگىلى كوشەلەردىڭ بىرىنە اينالۋى ءۇشىن بارلىعىن جاساۋىمىز قاجەت دەپ ويلايمىن»، - دەدى تاتارستان پرەزيدەنتى.

سونىمەن قاتار ول ءوز سوزىندە قازاق پەن تاتار حالقى ءتىلى مەن ءدىنى جاعىنان ءبىر- بىرىنە ەتەنە جاقىن ەكەندىگىن باسا اتاپ ءوتتى.

«قازىرگى ۋاقىتتا قازاقستاندا تۇرىپ جاتقان تاتارلاردىڭ سانى باسىم. تاتاردىڭ قانى بار قازاق وتباسىلارىنىڭ دا سانى بىزدە ءبىرشاما. ولار وزدەرىن بۇل جاقتا ەركىن سەزىنەدى. ال قازاقستانداعى باسقا ۇلت وكىلدەرىنە، دىندەرگە قاتىستى قارىم- قاتىناس تا بىزدەر ءۇشىن ۇلگى بولا الادى. ءبىز دە ەلدەرىمىز، حالىقتارىمىز اراسىنداعى بايلانىستى نىعايتۋ ءۇشىن العا قاراي لايىقتى قادام باسىپ، نۇرسۇلتان ءابىش ۇلىنىڭ 75 جىلدىق مەرەيتويى قارساڭىندا وعان دەگەن زور قۇرمەتپەن وسىناۋ لايىقتى سىيلىقتى تارتۋ ەتىپ وتىرمىز. مەن بارشالارىڭىزدى وسىنلاي وقيعامەن قۇتتىقتايمىن»، - دەدى ر. ميننيحانوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى