استانا كوللەدجدەرىندە اعىلشىن تىلىندە ءبىلىم بەرىلمەك
ماماندىقتار تىزىمىنە قوناق ءۇي شارۋاشىلىعى مەنەدجەرلەرى، داياشىلار مەن بارمەندەر، سونداي- اق مەديتسينالىق قىزمەتكەرلەر ەنگىزىلدى، دەپ حابارلايدى astana.kz.
ەلباسىنىڭ «100 ناقتى قادام» جوسپارىندا قازاقستاندىق تۇلەكتەردىڭ باسەكەگە قابىلەتتىلىگىن ارتتىرۋعا زور كوڭىل بولىنگەن. بىلىكتىلىگى جوعارى كادرلاردى دايىنداۋ پروتسەسىنە باسىمدىق بەرىلەدى، سول ارقىلى كوللەدجدەر كەزەڭ- كەزەڭمەن اعىلشىن تىلىندە وقىتۋعا كوشەدى.
استانا قالاسى ءبىلىم باسقارماسى باسشىسىنىڭ مىندەتىن اتقارۋشى قاسىمحان سەنعازىيەۆ قالالىق ءماسليحاتتىڭ تۇراقتى كوميسسياسىنىڭ وتىرىسىندا ءمالىم ەتكەندەي، تاجىريبەلىك جوبا اياسىندا 2015-2016 وقۋ جىلىندا استانانىڭ 4 كوللەدجىندە ستۋدەنتتەر اعىلشىن تىلىندە ءبىلىم الاتىن بولادى. سەبەبى ەلوردادا قۇرىلاتىن جاڭا قارجى ورتالىعى مەن EXPO-2017 حالىقارالىق كورمەسىن وتكىزۋ حالىقارالىق دەڭگەيگە سايكەس دايىندالعان كادرلاردىڭ بولۋىن تالاپ ەتەدى.
