قايرات نۇرتاس، جانار دۇعالوۆا جانە وزگە دە تانىمال قازاقستاندىقتار «نۇر وتان» پارتياسى قاتارىنا الىندى - فوتو

وسىلايشا، بۇگىن پارتيا قاتارىنا ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى زينايدا فەدوتوۆا، «جامبىل ەلەكتر جەلىلەرى» ج ش س باس ديرەكتورى ءاليحان جاربولوۆ، «Kazakhstan Computer Graphics» ج ش س باس ديرەكتورى ەرنار قۇرماشيەۆ، «جاسىل ەل» جاستار ەڭبەك جاساعى رەسپۋبليكالىق شتابىنىڭ جەتەكشىسى راحات حاميدۋللين، «قازاقستان» ر ت ر ك اق اقپاراتتىق- ساراپتامالىق ديرەكتسياسىنىڭ ديرەكتورى قۇرمانبەك قازانباسوۆ، جامبىل اتىنداعى قازاق مەملەكەتتىك فيلارمونيا ديرەكتورى اقان ابدۋاليەۆ، قوستاناي وبلىسىنىڭ «تورو» كومپانياسىنىڭ ديرەكتورى مايل تورويان، اقتوبە وبلىسىنىڭ «وسەرباي» شارۋا قوجالىعىنىڭ باسشىسى لاريسا يۋ، شقو «زەنيت» زاۋىتىنىڭ ينجەنەر- قۇراستىرۋشىسى داۋرەن وحاسوۆ، رەجيسسەر جانە اكتەر ماكسيم اكباروۆ، ەسترادالىق انشىلەر قايرات نۇرتاس پەن جانار دۇعالوۆا ەندى.

 «ءبىزدى قاتارىمىزعا كىرۋشىلەر سانىنىڭ جىل سايىن ارتىپ كەلە جاتقانى قۋانتىپ وتىر. پارتيانىڭ نەگىزىن قالاۋشى ءارى ساياسي يدەالى - ەلباسى ءوزىنىڭ ۇلگىسىمەن، جەتىستىكتەرىمەن، جۇمىسىنا، حالقىنا دەگەن ماحابباتىمەن وسىنداي قازاقستاننىڭ ىرگەتاسىن قالادى. پارتيانىڭ مىندەتى - مەملەكەتتىك باعىتتى، بىرلىك پەن ىنتىماقتى قامتاماسىز ەتۋ. وسىنداي قاراپايىم نارسەلەرسىز ەل دامۋىنا قول جەتكىزىلمەيتىن ەدى. پارتيانىڭ بۇگىنگى ميسسياسى - «2050 ستراتەگياسىنا» قول جەتكىزۋ ءۇشىن باعىت پەن جاعدايلاردى قامتاماسىز ەتۋ. ال بۇل حالقىمىزدىڭ بىرىگۋىنسىز مۇمكىن ەمەس. سوندىقتان ءبىز سىزدەردىڭ «نۇر وتان» پارتياسىنىڭ قاتارىنا كىرۋ شەشىمىڭىزدى قۋانا قارسى الىپ وتىرمىز. بارلىقتارىڭىز ءوز ايماقتارىڭىزدا، رەسپۋبليكامىزدا وتە تانىمال تۇلعالارسىزدار، ەڭبەكتەرىڭىز بەن تابىستارىڭىز ارقىلى ءاربىر ازاماتتىڭ ەل بولاشاعى ءۇشىن تەر توگە الاتىنىن تانىتا بىلدىڭىزدەر. پارتيا سىزدەرگە ىسكە اسىرۋدىڭ جاڭا مۇمكىندىكتەرىن بەرەتىنىنە سەنەمىز» ، - دەدى قۇتتىقتاۋ سوزىندە ب. بايبەك.

 «ءوز پارتياما سەنەمىن جانە قوعام ومىرىنە بەلسەنە اتسالىسامىن، پارتيامىزدىڭ كوشباسشىسى ۇسىنىپ وتىرعان بارلىق باستامالاردى قولدايمىن» ، - دەدى ءوز كەزەگىندە پروفەسسور ز. فەدوتوۆا.

 ءانشى قايرات نۇرتاس بۇل پارتيا قاتارىنا ەلىنە پايدا اكەلۋ ءۇشىن كىرگەنىن ايتادى.

 «نۇر وتان» - ەلباسىمىزدىڭ پارتياسى، بارلىق باستاۋلار قازاقستاندىقتاردىڭ جاسامپازدىعى مەن ولاردى بىرىكتىرۋگە ارنالعان، ونى ءارقايسىمىز بىلەمىز. سوندىقتان مەن ءوز ەلىمنىڭ بولاشاعى ءۇشىن جاسامپازدىق جولعا ءتۇسۋ ماقساتىندا نۇروتاندىقتاردىڭ قاتارىندا بولۋدى شەشتىم» ، - دەپ ءبولىستى ءوز ويىمەن ءانشى.

 ەلىمىزدىڭ بارلىق ايماقتارىندا 1258 ادامنىڭ جاڭا ۇلگىدەگى پارتيالىق بيلەتتەردى العانىن اتاپ ءوتۋ كەرەك. بۇگىندە پارتيانىڭ 860 مىڭنان استام مۇشەسى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى