ارمان شورايەۆ: «قازاقستان بارىسى» بەس جىل ىشىندە كورەرمەندەر اسىعا كۇتەتىن ۇلكەن دوداعا اينالدى

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قازاق كۇرەسى فەدەراتسياسىنىڭ پرەزيدەنتى ارمان شورايەۆ ءمالىم ەتتى.

«بيىلعى «قازاقستان بارىسى» دوداسىن وتكىزگەلى وتىرمىز. ەرتەڭ ساعات 12:00 كەزىندە باستايمىز. وسى بەس جىلدىڭ ىشىندە كورەرمەندەر اسىعا كۇتەتىن ۇلكەن دوداعا اينالدى دەپ ويلايمىن»، - دەدى ا. شورايەۆ.

وسى ورايدا ول سوڭعى جىلدارى قازاقستان بويىنشا ەڭ مىقتى دەگەن بالۋاندار ىرىكتەلگەنىن اتاپ ءوتتى.

 ءوز كەزەگىندە «سامۇرىق- قازىنا» ۇلتتىق ءال- اۋقات قورى» ا ق جۇرتشىلىقپەن بايلانىس جونىندەگى باس ديرەكتورى دارحان قالەتايەۆ بۇل جوباعا قور 2011 - جىلدان بەرى قولداۋ كورسەتىپ كەلە جاتقانىنا توقتالا كەلە: «ارينە، ءبىز بۇل جوباعا دەمەۋشى رەتىندە عانا قاراپ وتىرعان جوقپىز، ياعني وعان ۇلتتىق جوبا رەتىندە ۇلەس قوسقىمىز كەلەدى. ۇلتتىق سپورتتىڭ دامۋىنا قولداۋ جاساعىمىز كەلەدى. ءبىزدىڭ ويىمىزشا، بيىلعى دودا ناتيجەلى وتەدى» ، - دەدى.

وسىمەن بەسىنشى مارتە جالاۋى جەلبىرەيتىن بيىلعى «قازاقستان بارىسى» تۋرنيرىنىڭ ىرىكتەۋ سىندارى ەلىمىزدىڭ بارلىق ايماعىندا مارەسىنە جەتىپ، جۇزدەن جۇيرىك اتانعان ەڭ مىقتى 33 بالۋان شىلدەنىڭ 4- كۇنى استانادا ءوزارا بەلدەسەدى.

استانا كۇنىنە وراي ۇيىمداستىرىلعالى وتىرعان دوداعا ەلىمىزدىڭ 14 وبلىسى مەن استانا جانە الماتى قالالارىنان توپ جارعان 32 بالۋان مەن 2014 - جىلعى «قازاقستان بارىسى» اتانعان مۇحيت تۇرسىنوۆ 4 - شىلدەدە ەلوردا تورىندەگى «سارى ارقا» رەسپۋبليكالىق ۆەلوترەگىندە كۇش سىناسادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى