استانادا الەمدەگى ەڭ ۇلكەن ەت تاعامى ازىرلەنەدى
ەت ءپىسىرۋ پروتسەسسى تاڭەرتەڭ ەرتە باستالادى. ال كوپشىلىككە ارنالعان مەرەكەلىك شارا ساعات 11:00-دە باستالىپ، 14:00 گە دەيىن جالعاسادى دەپ كۇتىلۋدە. اسپازدىق ونەر سىنعا تۇسەتىن شاراعا 750 كەلى شيكى ەت الدىن-الا ولشەنىپ، ازىرلەنبەك. ەت پەن جۇقا نان ەكى بولەك ون شاقتى قازانعا پىسىرىلەدى. جۇقا ناننىڭ ۇنىن اسپازدار وزدەرى يلەيدى. دايىن بەشبارماق ارنايى تايقازانعا جايعاستىرىلىپ، ولشەنەتىن بولادى. پروتسەسس باسىنان باستاپ گيننەسستىڭ رەكوردتار كىتابى وكىلدەرىنىڭ ءجىتى باقىلاۋىندا جۇزەگە اسادى.
جوبانىڭ اۆتورلارى ەت ءپىسىرۋ سالتاناتىن استانا مەن الماتىنىڭ ەڭ مىقتى، كاسىبي اسپازدارىنا سەنىپ تاپسىرىپ وتىر. قازاقتىڭ ۇلتتىق تاعامى اۋىز تيەمىن دەۋشىلەرگە تەگىن تاراتىلماق.
ازىرلەگەن تۇمار اسىل
el.kz
