ءاليا نازاربايەۆا اقان ساتايەۆتىڭ فيلمىنە پروديۋسەر بولدى
بۇل تۋرالى NUR. KZ تىلشىسىنە «ورالۋ» («دوروگا ك ماتەري») ءفيلمىنىڭ رەجيسسەرى اقان ساتايەۆ حابارلادى.
سوڭعى ءتۇسىرىلىم كۇنى الاڭعا ءفيلمنىڭ باس پروديۋسەرى ءاليا نازاربايەۆا كەلدى.
«بۇل فيلم ارقىلى قازاق حالقىنىڭ باستان كەشكەن اۋىر كەزەڭدەرىن كورسەتەمىز. وسىنىڭ ارقاسىندا جاستاردىڭ پاتريوتتىق سەزىمىن كۇشەيتە تۇسەمىز دەپ سەنەمىن. ەندى مونتاجداۋ كەزەڭى جەلتوقسان ايىنا دەيىن جالعاساتىن بولادى. بارشا تاسپاگەرلەرگە، ستسەناريي اۆتورىنا، بارلىق اكتەرلەرگە ۇلكەن العىس بىلدىرەمىن»، - دەدى ءاليا نازاربايەۆا.
سوڭعى ەپيزودتار الماتى وبلىسىنا قاراستى شامالعان اۋىلىندا ءتۇسىرىلدى. نەگىزىنەن فيلم الماتى قالاسىندا جانە وبلىسىندا، بەلورۋسسيانىڭ مينسك قالاسىندا تۇسىرىلگەن.
تولىقمەتراجدى فيلمگە 500 دەن استام اكتەر قاتىسقان. ولاردىڭ قاتارىندا تانىمال ءارتىس ءادىل احمەتوۆ، ارۋجان جازىلبەكوۆا، ەركەبۇلان دايىروۆ، التىناي نوگەربەك، بەرىك ايتجانوۆ، بولات ءابدىلمانوۆ سىندى ەلدىڭ جۇرەگىنەن ورىن العان ازاماتتار بار.
ءفيلمنىڭ جەلىسىندە قازاق حالقىنىڭ ⅩⅩ عاسىردا باستان كەشىرگەن كۇردەلى تاريحي كەزەڭدەرى كورسەتىلەدى. اتاپ ايتساق، كۇشتەپ جۇرگىزىلگەن ۇجىمداستىرۋ ناۋقانى، جۇت، ەكىنشى دۇنيەجۇزىلىك سوعىس، سوعىستان كەيىنگى بەينەتتى جىلدار كورسەتىلەدى.
فيلمدە وسى وقيعالاردىڭ بارلىعى ءىلياس ەسىمدى جىگىتتىڭ ومىرىمەن بايلانىستىرىلا وتىرىپ، سول كەزدەگى قوعامنىڭ ماسەلەلەرىن كورسەتەدى.
nur.kz
