ەلباسى استانادا اشىق اسپان استىندا قويىلعان دج. ۆەرديدىڭ «ايدا» وپەراسىن تاماشالاۋدا - فوتو
«بۇل سپەكتاكلدى ءبىز تاماشا مەرەكەگە وراي - استانا كۇنىنە ارناپ وتىرمىز. اشىق اسپان استىنداعى قويىلىم - تەاترداعى ەرەكشە جانر. وندا كوپتەگەن فاكتورلار ەسكەرىلەدى: تەاتر الاڭىنىڭ اۋقىمدى اۋماعى، ساحنانىڭ ەرەكشە ورنالاسۋى، ارتىستەردىڭ كەڭ قۇرامى، ۇلكەن اۋديتوريا، سونىمەن بىرگە ارنايى جارىق پەن بەينەاپپاراتۋرا»، - دەيدى تەاتر باسشىسى تولەۋبەك الپيەۆ.
جوباعا تانىمال رەسەيلىك ءارتىس يۋري الەكساندروۆ جەتەكشىلىك ەتۋدە. يۋري الەكساندروۆ كەزىندە كۇلاش بايسەيىتوۆا اتىنداعى وپەرا جانە بالەت تەاترىنىڭ جانە جاڭادان سالىنعان «استانا وپەرا» تەاترىنىڭ اشىلۋىندا بولدى. قازاقستاندا رەجيسسەر بىرنەشە تاماشا قويىلىمدار جازعان ەدى. سونىڭ ىشىندە ەلوردالىق تەاتردىڭ بەتكە ۇستار قويىلىمى - «ءبىرجان- سارا» وپەراسىنىڭ اۆتورى.
ۇيىمداستىرۋشىلار قويىلىمنىڭ مىسىرلىق اتموسفەراسىن تولىقتاي بەرۋدى جوسپارلاۋدا. ول ءۇشىن ارنايى كوستيۋمدەر مەن دەكوراتسيالار قولدانىلعان.
مىسىرلىق اتموسفەرانى سەزىنۋگە استاناداعى «پيراميدا» عيماراتى دا ءوز ۇلەسىن قوسپاق. ءىرى-ءىرى دەكوراتسيالار، اق تۇلپارعا مىنگەن سالت اتتىلار، كەرەمەت كوستيۋمدەر - بارلىعى استانالىقتار ءۇشىن ناعىز سىي بولماق.
اتالعان قويىلىمدا رادامەس پارتياسىن ورىنداۋ ءۇشىن بولگاريالىق تەنور كامەن چانيەۆ ارنايى شاقىرتىلدى. باس رولدە - تىڭدارمانداردىڭ سۇيىكتىسى - «استانا وپەرا» تەاترىنىڭ جەتەكشى سوليسى جۇپار عابدۋللينا. سپەكتاكلگە شامامەن 300 ادام: سوليستەر، حور، بالەت، ميمانس ارتىستەرى قاتىسادى. بۇل كەشتە ديريجەرلىك تىزگىن ق ر ەڭبەك سىڭىرگەن قايراتكەرى ماەسترو ابزال مۋحيتدينوۆ تا بولادى.
اۆتور: جاسۇلان جولدىبايەۆ 
