بەلارۋس اسكەري- اۋە كۇشتەرىنىڭ باسشىلىعى قازاقستاندىق ارميا جەكە قۇرامىنىڭ دايىندىعىن جوعارى باعالادى - فوتو
بەلارۋس اسكەري قىزمەتشىلەرى ق ر ق ك دامۋى جانە اۋە قورعانىسى كۇشتەرىنىڭ جاۋىنگەرلىك دايارلىق ماسەلەلەرىمەن تانىستى. تاراپتار ۇ ق ش ۇ مۇشە مەملەكەتتەرى ءا ش ق ق وڭىرلىك جۇيەلەرىنىڭ قۇرىلۋى مەن دامۋىن تالقىلادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
نۇرلان ورمانبەتوۆ كەلىسسوزدەر ۋاقىتىندا ارىپتەستەرىمەن ىنتىماقتاستىق جاساي وتىرىپ، قورعانىس ونەركاسىبىندە بەلگىلى ءبىر وزىندىك جەتكىلىكتىلىككە قول جەتكىزۋ ءۇشىن «ءبىز سەنىمدىلىك پەن ءوزارا تۇسىنىستىكتى نىعايتامىز» دەپ قاداپ ايتتى. باس كوماندالىق پۋنكتىنە، اۆياتسيالىق بازالارعا جانە اۋە شابۋىلىنا قارسى قورعانىس بريگاداسىنا بارعان كەزدە ەكى ەلدىڭ وكىلدەرى ءا ش ق ق (اسكەري- اۋە كۇشتەرى جانە اۋە شابۋىلىنا قارسى قورعانىس) بىرىككەن جۇيەسى شەڭبەرىندە بىرلەسىپ ءا ش ق ق اسكەرلەرىنىڭ جاۋىنگەرلىك كەزەكشىلىكتى ۇيىمداستىرۋى جانە اتقارۋى، سونداي- اق قارۋ- جاراق پەن اسكەري تەحنيكانىڭ جاي- كۇيى مەن دامىتۋ پەرسپەكتيۆالارى ماسەلەلەرى بويىنشا تاجىريبە الماستى.
بەلارۋس رەسپۋبليكاسى ق ك اسكەري قىزمەتشىلەرىنە قازاقستاندىق ارميانىڭ باسىمدىق مىندەتتەرى تۋرالى اڭگىمەلەدى. وندا نەگىزگى كۇش- جىگەر شوعىرلاندىرىلعان: قارۋ- جاراق پەن اسكەري تەحنيكانىڭ جاڭا ۇلگىلەرىن ساتىپ الۋ پەرسپەكتيۆالارى، اۆياتسيالىق پاركتى كۇردەلى جوندەۋ مەن جاڭعىرتۋ جانە باسقارۋدىڭ كوپ دەڭگەيلى اۆتوماتتاندىرىلعان جۇيەسىن قۇرۋ.
«قازاقستاندىق ارميانىڭ دامۋى مەن جەتىلدىرىلۋى بىزگە كورىنىپ تۇر. كادرلاردى دايارلاۋ جوعارى دەڭگەيدە ۇيىمداستىرىلعان، جەكە قۇرام وقىپ- ۇيرەتىلگەن جانە ءوزىنىڭ ءبىلىمىن ءىس جۇزىندە كاسىبي قولدانادى. قازاقستاننىڭ جەرىندە كەزدەسۋىمىز بىزگە جاقسى باعدار بەرەدى. ونىڭ ۇستىنە تاجىريبە الماسۋ، سىزدەردىڭ تاجىريبەلەرىڭىزدەن ءىلىپ الارلىقتاي ءبىر نارسە الۋ جانە ىنتىماقتاستىقتىڭ پەرسپەكتيۆالارىن تالقىلاۋ وتە ماڭىزدى. ءارى قارايعى پەرسپەكتيۆادا قازاقستاندىق ارىپتەستەرمەن ناتيجەلى ىنتىماقتاستىق جاسايتىن بولامىز»، - دەدى كەزدەسۋ سوڭىندا بەلارۋس رەسپۋبليكاسى ق ك ءا ش ق ق اسكەرلەرى جانە اسكەري- اۋە كۇشتەرىنىڭ قولباسشىسى گەنەرال- مايور ولەگ دۆيگاليەۆ.
