ەلباسى ن. نازاربايەۆتىڭ «ءومىر وتكەلدەرى» اتتى سىر-سۇحبات كىتابى تانىستىرىلدى - فوتو
سالتاناتتى شاراعا ق ر مەملەكەتتىك حاتشىسى گۇلشارا ءابدىقالىقوۆا، پارلامەنت دەپۋتاتاتتارى، زيالى قاۋىم وكىلدەرى قاتىستى.
«تاۋەلسىز ەلىمىزدىڭ تۇڭعىش پرەزيدەنتى، الەمدىك دەڭگەيدە ءبىرتۋار تۇلعا، ەلباسى نۇرسۇلتان ءابىش ۇلى نازاربايەۆتىڭ تاريحي ءومىرى جايىندا جازىلعان شىعارمالار قاتارى مازمۇنى تەرەڭ جاڭا تۋىندىمەن تولىعىپ وتىر. «ءومىر وتكەلدەرى» اتتى كىتاپ ەل پرەزيدەنتىنىڭ «ەگەمەن قازاقستان» گازەتىنىڭ ءبىرىنشى باسشىسى، قوعام قايراتكەرى ساۋىتبەك ابدراحمانوۆقا سوڭعى جىلدارى بەرگەن سۇحباتتارىنىڭ توپتاماسى رەتىندە جارىق كوردى.
نۇرسۇلتان ءابىش ۇلى نازاربايەۆتىڭ ءومىرباياندىق جولى العاش رەت ءوزىنىڭ «ادىلەتتىڭ اق جولى» اتتى كىتابىن باياندالعانىن بىلەمىز. قازاقستان پرەزيدەنتى سول كىتاپتان بەرى جارىققا شىعارعان كىتاپتارىنىڭ بارلىعىن ەلدىڭ ستراتەگيالىق دامۋ باعىتىنىڭ جەكەلەگەن تارماقتارىنا ارناپ وتىرعانى ءمالىم. سوندىقتان «ءومىر وتكەلدەرى» مەملەكەت باسشىسىنىڭ تاۋەلسىزدىك العان 1991-جىلدان كەيىن ءوزى تۋرالى اڭگىمەلەگەن 2- كىتابى دەۋگە بولادى»، - دەدى گ. ءابدىقالىقوۆا.
كىتاپتا ەلباسى ءوزىنىڭ شىققان تەگىنەن، بالالىق شاعىنان باستاپ، مەكتەپتەگى، دنەپرودزەرجينسكىدەگى جاستىق جىلدارى، تەمىرتاۋداعى قۇرىش قۇيعان شاعى تۋرالى اسەرلى اڭگىمەلەيدى.
اۆتور: مارلان جيەمباي
