اقمولا وبلىسىندا قولا داۋىرىنە جاتاتىن تۇرمىستىق بۇيىمدار تابىلدى - فوتو
بۇل تۋرالى «قازاقپارات» ح ا ا- ءنىڭ تىلشىسىنە اقمولا وبلىستىق مادەنيەت باسقارماسى جانىنداعى تاريحي-مادەني مۇرالاردى قورعاۋ جونىندەگى ورتالىق باسشىسى تالعات ىبرايەۆ ءمالىم ەتتى.
ونىڭ ايتۋىنشا، قولا داۋىرگە جاتاتىن تاريحي قۇندى زات زەرەندى اۋدانىنداعى كەنەتكول اۋىلىنىڭ ماڭىندا قورىمنان استاناداعى ەۋرازيالىق ۇلتتىق ۋنيۆەرسيتەتى مەن ياكۋتياداعى اموسوۆ اتىنداعى سولتۇستىك-شىعىس فەدەرالدى ينستيتۋتىنىڭ ستۋدەنتتەرى جانە كوكشەتاۋداعى «اۋلەت» مەكتەپتەن تىس جۇمىس ورتالىعىنىڭ وقۋشىلارى جۇرگىزگەن ارحەولوگيالىق قازبا جۇمىستارى كەزىندە تابىلعان.
«قازبا جۇمىستارى كەزىندە ءبىز قولا داۋىرىنە جاتاتىن تۇرمىستىق ىدىستار مەن سۇيەكتەن جاسالعان بويتۇمار تاۋىپ الدىق. ءبىزدىڭ پايىمداۋىمىزشا، تابىلعان زاتتار اندرونوۆ مادەنيەتىنە ءتان. وعان ىدىستاردا بەزەندىرىلگەن بەلگى-سۋرەتتەر ايقىن دالەل. سونىمەن قاتار وسى ەكى قورىمنان سول زاماندا دۇنيەگە كەلگەن ءسابيدىڭ دە سۇيەگى تابىلدى. قازىرگى كەزدە بۇل ماڭدا بارلىعى ءتورت قورىم تىركەلگەن. سوندىقتان قازبا جۇمىستارى ودان ءارى جۇرگىزە بەرەتىن بولامىز»، - دەيدى تالعات ىبرايەۆ.
اۆتور: اسلان وسپانوۆ
