ادەبيەتشىلەر اراسىندا «التىن توبىلعى» بايقاۋى باستالدى

«ق ر تۇڭعىش پرەزيدەنتى -  ۇلت كوشباسشىسى قورىنىڭ نەگىزگى مىندەتىنىڭ ءبىرى شىعارماشىلىق جاستاردىڭ الەۋەتىن ارتتىرۋ جانە ونەر مەن مادەنيەت سالاسىنداعى دارىندى جوبالارعا قولداۋ كورسەتۋ بولىپ تابىلادى. ءبىز بۇل ءىستى ون بەس جىل بويى ءساتتى جۇزەگە اسىرىپ كەلەمىز. بۇگىن ق ر تۇڭعىش پرەزيدەنتى - ۇلت كوشباسشىسى قورىنىڭ سىيلىعى ءۇشىن ادەبيەتشىلەر اراسىنداعى «التىن توبىلعى» بايقاۋىنىڭ باستالعانىن اتاپ وتكىم كەلەدى. «التىن توبىلعى» بۇل ءبىزدىڭ جاس ادەبيەتشىلەرىمىزدىڭ باسىن قوسۋعا باعىتتالعان رەسپۋبليكالىق ماڭىزى بار ادەبي سىيلىق»، - دەدى س. نۇراحانوۆ.

ول اتالعان سىيلىقتى تاپسىرۋ وتاندىق ادەبيەتتىڭ دامۋىنا قوسىلعان اۋقىمدى ۇلەس بولارىنا سەنىمدىلىك بىلدىردى.

«بايقاۋ جىل سايىنعى ءتورت نوميناتسيا - پروزا، پوەزيا، بالالار ادەبيەتى مەن دراماتۋرگيا جانە وسى جىلى قوسىلعان «ماڭگىلىك ەل» تاقىرىبىنداعى ارنايى نوميناتسيا بويىنشا وتەدى. بايقاۋعا 18-35 جاس ارالىعىنداعى جاس اۆتورلار قاتىسا الادى. ءار نوميناتسيا بويىنشا جەڭىمپاز قوردىڭ 1 ميلليون تەڭگە كولەمىندەگى اقشالاي سىيلىعىنا يە بولادى. ال، «ماڭگىلىك ەل» نوميناتسياسىنىڭ جەڭىمپازىنا 1,5 ميلليون تەڭگە كولەمىندە اقشالاي سىيلىق بەرىلەدى»، - دەگەن اتقارۋشى ديرەكتور بايقاۋعا قاتىسۋشىلاردىڭ جۇمىستارىن بلىكتى قازىلار القاسى باعالايتىنىن ايتتى.

اقمارال شاعاتاي

BNews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى