قالا تۇرعىندارىن اياعىنان تىك تۇرعىزعان «جالعان لاڭكەس» ۇستالدى

29 - ماۋسىم ساعات 23:30 دا ۇلتتىق قاۋىپسىزدىك كوميتەتى وڭتۇستىك قازاقستان وبلىستىق دەپارتامەنتىنىڭ كەزەكشىلىك بولىمىنە «شىمكەنتتەگى كوپقاباتتى ۇيلەردىڭ بىرىنە جارىلعىش زات قويىلىپ، ءبىرتالاي ازامات كەپىلدىككە الىندى» دەگەن شۇعىل اقپارات تۇسەدى.

كەيىن بۇل باسسىزدىقتى 52 جاستاعى شىمكەنتتىك كاسىپكەردىڭ جاساعانى انىقتالدى. ول 100 مىڭ ا ق ش دوللارىن قولما-قول، ال 200 ميلليون تەڭگەنى ەسەپ شوتىنا اۋدارۋدى تالاپ ەتكەن.

سونىمەن قاتار ي ل-62 م ۇشاعى مەن تۇرمەدە وتىرعان 3 ادامدى بوساتۋدى سۇراعان. كەلىسسوز كەزىندە ەر ادامنىڭ جارىلعىش زات قويىلدى دەگەن عيماراتقا قاراما-قارسى جەردە وتىرعانى ءمالىم بولدى. كاسىپقوي ماماندار ەرىككەن ەرەسەك ادامدى دالاعا الداپ شىعارىپ، ايلا-شارعىمەن ۇستاپتى.

سالتانات قاراكوزوۆا، و ق و ءى ءى د مەملەكەتتىك ءتىل جانە اقپارات باسقارماسىنىڭ باسشىسى: - قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر. جارىلعىش زاتتى ىزدەستىرۋ بارىسىندا ساپەرلەر ونى تابا المادى. حابارلاما جالعان بولىپ شىقتى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى