بۇگىن قازاقستاننىڭ باسىم بولىگىندە اپتاپ ىستىق ساقتالادى
كۇندىز ەلدىڭ كەي جەرلەرىندە بۇرشاق جاۋۋى، رەسپۋبليكانىڭ وڭتۇستىك-باتىسىنىڭ كەي جەرلەرىندە شاڭدى داۋىل كوتەرىلۋى مۇمكىن، دەپ حابارلادى توتەنشە جاعدايلار مينيسترلىگى «قازگيدرومەتكە» سىلتەمە جاساپ.
شىعىس قازاقستان وبلىسىنىڭ كەي جەرلەرىندە كۇندىز بۇرشاق جاۋۋى مۇمكىن.
قوستاناي وبلىسىندا، كۇندىز باتىس قازاقستان، اتىراۋ، اقتوبە، سولتۇستىك-قازاقستان وبلىستارىنىڭ كەي جەرلەرىندە جەل 15-20 م/س- قا دەيىن كۇشەيەدى.
ماڭعىستاۋ وبلىسىنىڭ كەي جەرلەرىندە كۇندىز شاڭدى داۋىل كوتەرىلىپ، جەل 15-20 م/س- قا دەيىن كۇشەيەدى.
الماتى، جامبىل، وڭتۇستىك قازاقستان، اقمولا، سولتۇستىك قازاقستان، پاۆلودار، شىعىس قازاقستان وبلىستارىندا، باتىس قازاقستان وبلىسىنىڭ كەي جەرلەرىندە اپتاپ ىستىق بولادى، قىزىلوردا، ماڭعىستاۋ، اقتوبە، قوستاناي، قاراعاندى وبلىستارىندا اۋانىڭ تەمپەراتۋراسى قاتتى ىسيدى.
اتىراۋ وبلىسىندا وتە كۇشتى ىستىق بولۋى كۇتىلەدى.
اتىراۋ، قىزىلوردا، اقتوبە، وڭتۇستىك قازاقستان وبلىستارىنىڭ باسىم بولىگىندە، باتىس قازاقستان، قاراعاندى، الماتى، جامبىل وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
