ءال-فارابي اتىنداعى قاز ۇ ۋ وكىلدەرى وقۋ ورنىندا قاراجات جىمقىرۋ وقيعاسىنا تۇسىنىك بەردى
قاز ۇ ۋ باسپا ءسوز قىزمەتىنىڭ مالىمەتىنشە، قارىز ستۋدەنتتەردىڭ سانى تۋرالى مالىمەت دۇرىس ەمەس. «قازىرگى ۋاقىتتا ستۋدەنتتەر وقۋ ءۇشىن قارىزدارىن تولىقتاي جاۋىپ قويدى. وقۋعا قارىز بولىپ قالعان ونعا تاياۋ ستۋدەنت جاقىن ۋاقىتتا قارىزدى وتەيتىنى تۋرالى جازباشا مىندەتتەمە جازىپ بەردى»، - دەپ حابارلادى ءبىلىم بەرۋ مەكەمەسىندەگىلەر.
سونىمەن قاتار، بۇل وقيعانىڭ 2014 -جىلدىڭ سوڭىندا بولعانى حابارلاندى. سول كەزدە قاز ۇ ۋ قاۋىپسىزدىك قىزمەتى مەن اۋديتورلىق تەكسەرىس ستۋدەنتتەردىڭ الاياقتىعى دەرەگىن جانە بۋحالتەريا ماماندارىمەن كەلىسۋ ارقىلى وقۋدىڭ اقشاسىن تولەۋدەن جالتارۋى دەرەگىن انىقتادى. سونىمەن قاتار، ەسەپشىلەردى جۇمىسقا بۇرىنعى باسشىلىقتىڭ قابىلداعانى حابارلانىپ وتىر. باسپا ءسوز قىزمەتىنىڭ مالىمەتىنشە، ەسەپشىلەر 2008 -جىلدان باستاپ قاراجاتتاردى جىمقىرۋمەن بايلانىستى زاڭعا قايشى الاياقتىق ارەكەتتەر جاساپ كەلگەن.
ۋنيۆەرسيتەت پەن ستۋدەنتتىڭ اراسىنداعى كەلىسىم شارت بويىنشا، جوعارعى وقۋ ورنىندا وقۋدىڭ تولەمى قاز ۇ ۋ ەسەبىنە بانك ارقىلى قولما-قول اقشاسىز اۋدارىلادى.
«قاز ۇ ۋ- دا قولما- قول قاراجاتپەن تولەم جاساۋعا تىيىم سالىنعانىنا قاراماستان، وسى اتالعان جۇمىسشىلار باس پايداسىنىڭ قامىمەن تانىس، دوس جانە تۋىسقاندارىنىڭ اراسىندا ستۋدەنتتەرگە وقۋعا تولەم جاساۋ كەزىندە جەڭىلدىكتەر ۇسىنعان. ولار ستۋدەنتتەردەن قولما- قول قاراجات الىپ، كەيىن وزدەرى الىپ وتىرعان. وزدەرىنىڭ زاڭسىز ارەكەتتەرىن جاسىرۋ ءۇشىن كەلىسىمدە بولىپ جانە بۋحالتەريانىڭ ەلەكتروندى بازاسىنا كىرۋگە رۇقساتى بولا وتىرىپ، ولار بۇرىنعى مەرزىممەن ستۋدەنتتەردىڭ وقۋعا جاسايتىن تولەمدەرى تۋرالى ەسەپكە جالعان مالىمەت تولتىرعان»، - دەپ حابارلادى مەكەمە وكىلدەرى.
سونىمەن بىرگە، ج و و-نىڭ ستۋدەنتى اسەل قىدىرباي دا قىلمىستىق ىسكە كۇدىكتىلەردىڭ قاتارىندا. الدىن الا مالىمەت بويىنشا، قىز ۋنيۆەرسيتەتتە كومپانيالاردىڭ ءبىرىنىڭ اتىنان گرانتتا وقىپ، ەكى ءتۇرلى بانكتەن ەكى شوت اشقان. «وسى شوتتارعا وقۋدىڭ اقىسى زاڭسىز قايتارىلىپ وتىرعان. بۇل اقشالاردى قىدىرباي شوتىنان الىپ جۇرگەن. وسىعان وراي ول قاراجاتتى زاڭسىز جىمقىرىپ، الاياقتىق ىسكە قاتىستى دەپ ايىپتالىپ وتىر. سونىمەن قاتار، ول باسقا ستۋدەنتتەردەن اقشا جيناپ، ب. نۇرلان ەكەۋى قاراجاتى زاڭسىز يەمدەنىپ وتىرعان دەگەن بولجام بار»، - دەدى ءبىلىم بەرۋ مەكەمەسىنىڭ وكىلدەرى.
قاز ۇ ۋ مالىمەتى بويىنشا، ستۋدەنت قىز بانك شوتتارىنان اقشا العانىن مويىندادى. «ول ۋنيۆەرسيتەتتىڭ اكىمشىلىگىنە حابارلاسىپ، العان اقشاسىن قايتارۋعا ۋاقىت بەرۋدى، سونىمەن قاتار، سەسسيانى جاۋىپ، ديپلوم جۇمىسىن جازۋعا مۇمكىندىك بەرۋدى سۇرادى. بولعان وقيعاعا قاراماستان ۋنيۆەرسيتەت اكىمشىلىگى وعان ۋاقىت بەرگەن. دەگەنمەن ول ءوز ۋادەسىندە تۇرماي، اقپارات قۇرالدارىنا حابار بەرەتىنى تۋرالى ايتىپ، بوپسالاي باستادى. ول ۋنيۆەرسيتەتتى بىتىرگەنى تۋرالى ديپلومدى بەرۋدى تالاپ ەتتى»، - دەدى باسپا ءسوز قىزمەتىندەگىلەر.
ءال-فارابي اتىنداعى قاز ۇ ۋ- دىڭ 4- كۋرس ستۋدەنتىنە قاتىستى سوت الدى تەرگەۋ امالدارى جۇرگىزىلىپ جاتىر.
