قازاقستاننىڭ ۇزدىك جاس عالىمى اتاعىنا بايقاۋ جاريالاندى

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «تەحنولوگيالىق دامۋ جونىندەگى   ۇلتتىق اگەنتتىك» ا ق (NATD) باسقارما ءتوراعاسىنىڭ ورىنباسارى جۇماتاي ءسالىموۆ ءمالىم ەتتى.

بايقاۋ «مەكتەپ وقۋشىلارى اراسىنداعى ۇزدىك يننوۆاتسيالىق جوبا»، «ۇزدىك جاس عالىم»، «ستارتاپ كوماندالارعا ارنالعان Technation اكسەلەراتسيالىق باعدارلاما»، «ۇزدىك راتسيوناليزاتسيالىق شەشىم»، «راتسيوناليزاتسيالىق جوبالاردى كاسىپورىنداردا قولداۋدىڭ ۇزدىك جۇيەسى» اتالىمدارى بويىنشا وتپەك.

«ءبىز بيىل قازاقستاننىڭ ەڭ ۇزدىك ءۇش جاس عالىمىن انىقتاعىمىز كەلەدى. ءبىز ءوز تاراپىمىزدان قارجىلىق سىياقى دايىندايمىز: ءبىرىنشى ورىنعا - 7,5 ميلليون  تەڭگە، ەكىنشى ورىنعا - 2,5 ميلليون تەڭگە، ءۇشىنشى ورىنعا - 1 ميلليون تەڭگە. قازاقستان ۇكىمەتىنىڭ تاپسىرماسى مەملەكەتتىك بيۋدجەت ەسەبىنەن جاسالىپ جاتىر»، - دەدى ول.

«عىلىم جولىن تاڭداعان جاس عالىم - باتىر ادام. بۇل ماماندىق قازاقستاندا، وكىنىشكە وراي، تارتىمدى ەمەس. ءبىز سولاردىڭ ىشىنەن مىقتىلاردى انىقتاپ، ەڭبەكتەرىن ىنتالاندىرعىمىز كەلەدى. تۇكپىردەگى اۋىلدار دا بىلسە دەيمىز، سەبەبى ەڭ مىقتى عالىمدار سول جەرلەردەن دە شىعا الادى»، - دەيدى ج. ءسالىموۆ.

ونىڭ سوزىنە قاراعاندا، قازىلار مۇشەلىگىندە تەحنولوگيالاردى كوممەرتسيالاندىرۋ ورتالىعىنان دامير ەگىزبايەۆ، «Chocolife» باسشىسى راميل مۋحرياپوۆ بولماق.

«موبيلدى تەحنولوگيالار بويىنشا ارمان سۇلەيمەنوۆ بار، «بولاشاق» تۇلەگى، ول قازىر قازاقستاندا ستارتاپ مەكتەپتەرىن اشۋدا.   «Arta Software»  كومپانياسىنىڭ نەگىزىن قالاۋشى بولات باشەيەۆ،   «Open Technologies»  كومپانياسىنىڭ باسشىسى قايرات احمەتوۆ. سونىمەن قاتار سيليكون الابىنان دا ەڭ ۇزدىك يننوۆاتورلار بولادى. قازاقستان ءوزىنىڭ قازانىندا قايناماۋى ءتيىس. ءبىز جاھاندىق نارىققا شىعاتىن جوبالارمەن اينالىسۋىمىز كەرەك. سوندىقتان  Five Hunter Star  سەرىكتەسى سەزار سالازار، انتون كارپەنكو، پاۆەل چەركاشين، Lenta.ru كومپانياسىنان الەكسەي چاشۆا سىندى حالىقارالىق دەڭگەيدەگا ەسىمدەر شاقىرتىلدى»، - دەپ اتاپ ءوتتى NATD باسشىسىنىڭ ورىنباسارى.

 اۆتور:  جاسۇلان جولدىبايەۆ 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى