قازاقستان پرەزيدەنتى كۋباعا بارادى
كەزدەسۋ بارىسىندا ق. توقايەۆ كۋبا قازاقستاننىڭ تاۋەلسىزدىگىن تانىعان الەمدەگى العاشقى ەلدەردىڭ ءبىرى بولعانىن اتاپ ءوتتى، دەپ حابارلادى ق ر پارلامەنتى جوعارعى پالاتاسىنىڭ باسپا ءسوز قىزمەتى.
سپيكەر 1995 - جىلى سىرتقى ىستەر ءمينيسترى رەتىندە گاۆانادا بولىپ، كوماندانتە فيدەل كاسترومەن كەزدەسۋىن جىلى شىرايمەن ەسكە الدى. ق. توقايەۆ ىنتىماقتاستىقتى دامىتۋ ءۇشىن قازاقستان- كۋبا قاتىناستارىنىڭ بارلىق مۇمكىندىكتەرىن، سونىڭ ىشىندە پارلامەنتارالىق بايلانىستاردى پايدالانۋ، ىسكەر توپتار اراسىندا دەنساۋلىق ساقتاۋ، مادەنيەت، ءبىلىم، تۋريزم جانە اۋىل شارۋاشىلىعى سياقتى سالالارداعى بايلانىستاردى جانداندىرۋ قاجەت دەپ سانايدى،
پارلامەنتتىڭ جوعارعى پالاتاسىنىڭ جەتەكشىسى كۋبالىق كومپانيالاردى استانادا وتەتىن ەكسپو-2017 كورمەسىنە قاتىسۋعا شاقىردى.
سەنات سپيكەرى قازاقستان پرەزيدەنتى نۇرسۇلتان نازاربايەۆتىڭ كۋباعا الداعى ساپارى ەكىجاقتى قاتىناستاردا تاريحي وقيعا بولادى جانە وعان ەلەۋلى سەرپىن بەرەدى دەگەن سەنىمىن ءبىلدىردى.
