ش ق و-دا شارۋا قوجالىعىنىڭ كۇزەتشىسى اعايىندى ەكى مالشىنى اتىپ تاستادى
الدىن الا نۇسقا بويىنشا، قىلمىستىڭ تۋۋىنا ىشىمدىك تۇرتكى بولعان، دەپ حابارلادى YK-news.kz .
30 جانە 31 جاستاعى اعايىندى ا. مەن ز. قاتونقاراعاي اۋدانىنداعى شارۋا قوجالىقتىڭ مالىن باققان. كورشىلەس شارۋا قوجالىقتا ولاردىڭ تانىسى زىريان اۋدانىنىڭ تۇرعىنى كۇزەتشى بولىپ جۇمىس ىستەگەن.
ءۇزىلىس كەزىندە ا. مەن ز. كۇزەتشىگە بارعان. ىشىمدىك ىشكەن ۇشەۋىنىڭ اراسىندا داۋ تۋىپ، 26 جاستاعى كۇزەتشى 12 كاليبرلى قارۋدى قولىنا الىپ، تانىستارىنا وق اتقان. كەيىن قارۋدى جاسىرىپ، ءوزى ءىزىن سۋىتپاق بولدى.
پوليتسەيلەر كۇدىكتىنى زىريان اۋدانىندا قولعا ءتۇسىردى. ولار قارۋدى دا تاپتى.
«اتالعان فاكت بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ وقشاۋلاعىشىنا قامالدى. قىزمەتكەرلەرىمىز وقيعانىڭ ءمان- جايىن انىقتاپ جاتىر، - دەپ حابارلادى ش ق و ءى ءى د باسپا ءسوز قىزمەتىنىڭ باسشىسى باقىتجان تورعايەۆ.
