شەتەلدە تۇراتىن قازاقتارعا ارنالعان حالىقارالىق وليمپيادادا قىتايدان بارعان ەكى وقۋشى جۇلدەلى بولدى
وليمپيادانىڭ نەگىزگى ماقساتى قازاق دياسپوراسى بالالارىنىڭ انا ءتىلى، قازاق ادەبيەتى، قازاقستان تاريحى، مادەنيەتى مەن ونەرى بويىنشا تانىمدىق قابىلەتىن دامىتۋ، الەمنىڭ ءار ەلدەرىندە تۇراتىن قازاق جاستارىنىڭ دوستىق بايلانىستارىنا ىقپال ەتۋ، قازاق دياسپوراسى وكىلدەرى اراسىندا قازاق ءتىلىن مەڭگەرۋ، مادەنيەتىنىڭ دەڭگەيىن كوتەرۋ جانە ەلىمىزدىڭ تاريحىنا، قازاقستاننىڭ قازىرگى دامۋىنا قىزىعۋشىلىقتارىن ارتتىرۋ بولىپ تابىلادى.
22 -ماۋسىم كۇنى ساعات 16:00 دە ا. توقماعانبەتوۆ اتىنداعى قىزىلوردا قالالىق مادەنيەت ءۇيى زالىندا وبلىس اكىمى ق. كوشەربايەۆتىڭ قاتىسۋىمەن وليمپيادانىڭ سالتاناتتى اشىلۋ ءراسىمى وتكىزىلدى.
وليمپياداعا يران مەملەكەتىنەن - 5، وزبەكستاننان - 9، قىتايدان - 3، تۇركىمەنستاننان - 1، موڭعوليادان - 2، رەسەي فەدەراتسياسىنىڭ ماسكەۋ قالاسىنان - 3، سامارا قالاسىنان - 2 جانە ومبى قالاسىنان - 4 وقۋشى قاتىسىپ، جالپى 29 وقۋشى ءوز باقتارىن سىنادى.
وليمپيادادا حالىقارالىق قازاق ءتىلى قوعامىنىڭ پرەزيدەنتى، اكادەميك ءومىرزاق ايتباي ۇلى قازىلار القاسىنا ءتوراعالىق ەتىپ، ال قازىلار القاسىنىڭ مۇشەلەرى بولىپ ق. ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ پرورەكتورى، فيلولوگيا عىلىمدارىنىڭ دوكتورى، پروفەسسور قۇلبەك ەرگوبەك، «ەگەمەن قازاقستان» رەسپۋبليكالىق گازەتى رەداكتورىنىڭ ورىنباسارى سۇلەيمەن بايبابا ۇلى مامەت، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ قازاق ءتىلى مەن ادەبيەتى كافەدراسىنىڭ مەڭگەرۋشىسى ، پەداگوگيكا عىلىمدارىنىڭ دوكتورى، پروفەسسور تۇرسىنبەك مولداحان ۇلى بايمولدايەۆ، ابىلايحان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ دوتسەنتى، فيلولوگيا عىلىمدارىنىڭ كانديداتى گۋلزاميرا جولداسبەك قىزى ايتبايەۆا، وڭتۇستىك قازاقستان مەملەكەتتىك ينستيتۋتىنىڭ عالىم حاتشىسى، فيلولوگيا عىلىمدارىنىڭ كانديداتى، دوتسەنت ايتكۇل دوسىبايەۆا، رەسپۋبليكالىق «بالداۋرەن» وقۋ- ساۋىقتىرۋ ورتالىعىنىڭ باس ديرەكتورى مۋحيتدين بەكبولات ۇلى تولەپباي، قر ۇعا كوررەسپوندەنت مۇشەسى ءتىلداش رىسقۇلبەك قىزى بيتۋوۆا، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ دوتسەنتى، فيلولوگيا عىلىمدارىنىڭ كانديداتى شانجارحان
بەكماعامبەتوۆ، قىزىلوردا وبلىستىق ىشكى ساياسات ءبولىمىنىڭ مامانى (پارسى ءتىلى) ءشارىباي توبجانوۆ جانە قازانعاپ اتىنداعى قىزىلوردا مۋزىكالىق كوللەدجنىڭ وقىتۋشىسى ابجالەل اليحان ۇلى بەكينبايەۆتار بەلگىلەندى.
قازىلار القاسىنىڭ شەشىمىمەن تومەندەگى قاتىسۋشىلار جۇزدەن جۇيرەك شىعىپ، جۇلدەلى ورىنداردان كورىندى.
وليمپيادانىڭ - Iدارەجەلى جەڭىمپازدارى:
1. قىدىربايەۆ نۇرسەيىت - 11 - سىنىپ (وزبەكستان)
2. تۇردالييەۆا گۇلدانا - 11 - سىنىپ (وزبەكستان)
3. تاني احماد - 12 - سىنىپ (يران)
وليمپيادانىڭ Ⅱ-دارەجەلى جەڭىمپازدارى:
1. ءجاننات باتىرعازى قىزى - 12 - سىنىپ (قىتاي)
2. ءمادينا ادەبيەت قىزى - 12 - سىنىپ (قىتاي)
3. داريعا باقبەرگەن - 12 - سىنىپ (موڭعوليا)
4. ءمولدىر مەدەلحان قىزى - 12 - سىنىپ (قىتاي)
5. كۇنتۋعان اقجارقىن - 10 - سىنىپ (موڭعوليا)
وليمپيادا Ⅲ -دارەجەلى جەڭىمپازدارى:
1. ابدۋسەيتوۆا بالجان - 11 - سىنىپ (وزبەكستان)
2. مۇحانوۆ باۋىرجان - 11 - سىنىپ (تۇركىمەنستان)
3. ورازبايەۆا ەلميرا - 11 - سىنىپ (رەسەي)
4. مۋزينا ۆيولەتتا - 10 - سىنىپ (رەسەي)
5. سابدەنوۆ نۇرسۇلتان - 10 - سىنىپ (وزبەكستان)
6. شايسلاموۆا سابينا - 10 - سىنىپ (وزبەكستان)
7. تاني مۇحامماد - 8 - سىنىپ (يران)
8. ابۋلكاشوۆا دايانا - 9 - سىنىپ (رەسەي)
9. قازاق نادەر - 10 - سىنىپ (يران)
ال حالىقارالىق وليمپيادانىڭ جابىلۋ ءراسىمى 25 ماۋسىم كۇنى ساعات 17.00 دە ا. توقماعانبەتوۆ اتىنداعى قىزىلوردا قالالىق مادەنيەت ءۇيى زالىندا وتكىزىلىپ، قازىلار القاسىنىڭ شەشىمى بويىنشا جوعارعى 10-11-12 - سىنىپ وقۋشىلارى اراسىنان جەڭىمپاز اتانعان وقۋشىلار قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ I, II, III دارەجەلى ديپلومدارىمەن، گراموتالارمەن جانە ءتۇرلى نوميناتسيالار بويىنشا ماراپاتتالادى.
سونىمەن قاتار، ون ەكى جىل بويى وقۋشىلارى وليمپيادادا جەڭىمپاز اتانىپ جۇرگەن كوماندا جەتەكشىلەرىنە قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ گراموتالارى بەرىلدى.
