مىسىردا ەلدىڭ باس پروكۋرورىنا قاستاندىق جاسالدى
ونىڭ كولىگىنىڭ استىنا جارىلعىش زاتتى بەلگىسىزدەر قويعان. پروكۋروردىڭ اۋرۋحاناعا كەتىپ بارا جاتقانى حابارلاندى.
AFP مالىمەتىنشە، جارىلىس مىسىردىڭ كاير قالاسىندا بولدى. سونىمەن قاتار، باس پروكۋرورمەن بىرگە ونىڭ وققاعارلارىنىڭ زارداپ شەككەنى بەلگىلى بولدى.
باراكاتقا مەديتسينالىق جاردەمنىڭ كورسەتىلگەنى ايتىلادى جانە ونىڭ جاعدايىنىڭ جاقسى ەكەنى حابارلاندى.
وسىعان ۇقساس جاعداي 2015 -جىلدىڭ 10 -ماۋسىمىندا كارناك عيباداتحاناسىنىڭ ماڭىنداعى لۋكسوردا بولعان ەدى. سول ۋاقىتتا BBC News باسىلىمى جارىلىستى لاڭكەستىڭ جاساعانىن حابارلادى.
ونىڭ سالدارىنان ءتورت ادام جاراقات الدى. ب ا ق مالىمەتىنشە، لاڭكەستىك توپتا ءۇش ادام بولىپتى. ولاردىڭ ەكەۋىن ءتارتىپ ساقشىلارى اتىپ ءولتىردى، ال ءۇشىنشىسى جاسىرىنىپ ۇلگەردى.
شابۋىلداۋشىلاردىڭ ماقساتى عيباداتحانانىڭ ماڭىندا تۇرعان تۋريستەر اۆتوبۋسى بولعان، الايدا ولارعا كۇزەتشىلەر كەدەرگى كەلتىردى. بۇل وقيعادان كەيىن ەلدىڭ كونە جادىگەرلەرلى جونىندەگى مينيسترلىگى ەلدەگى جادىگەرلەردىڭ كۇزەت قىزمەتىن كۇشەيتۋدى تاپسىرعان بولاتىن.
