قازاقستاندىق سايتتاردا بەيتانىس تىلدەردە ەكسترەميستىك اۋديوكونتەنت سالىنۋ پروبلەماسى بار
بۇل جايىندا ق ر ينۆەستيتسيالار جانە دامۋ مينيسترلىگى بايلانىس، اقپاراتتاندىرۋ جانە اقپارات كوميتەتى تالداۋ جانە اقپارات ورتالىعى ديرەكتورىنىڭ ءبىرىنشى ورىنباسارى ەرلان اليەۆ ءمالىم ەتتى.
«ەكسترەميستىك كونتەنتتى مونيتورينگىلەۋ بولىگىندەگى جۇمىس بارىسىندا قازاقستاندىق سايتتاردا كەيبىر كەزدەردە بىزگە بەيتانىس تىلدەردە اۋديوكونتەنتتىڭ سالىنۋ پروبلەماسى تۋىندايدى. مەنىڭ ويىمشا، وسىنداي كونتەنت تەك قازاق تىلىندە نيگەريادا نەمەسە كەنيادا سالىنۋى مۇمكىن. وسى ورايدا ولاردىڭ وكىلەتتى ورگاندارى بۇل ەكسترەميستىك ماتەريال ەكەنىن بىردەن تۇسىنبەۋى ىقتيمال. بۇل تۇرعىدا الەمدىك قوعامداستىق ەكسترەميستىك كونتەنتتىڭ ءبىرىڭعاي بازاسىن قۇرعانى ورىندى بولار دەگەن ۇسىنىس بار. كەيىننەن ول بارشا ەلدەردە وسىنداي كونتەنتتەرگە توسقاۋىل قويىلىپ، جابىلار ەدى»، - دەدى ە. اليەۆ.
ونىڭ سوزىنە قاراعاندا، قۇقىققا قايشى اقپاراتتى شەكتەۋگە بايلانىستى، ونىڭ ىشىندە ەكسترەميستىك مازمۇنداعى اقپاراتقا جول بەرمەۋ جۇمىستارىندا قۇقىقتىق شارالارمەن جانە تەحنيكالىق جولمەن شەكتەۋ سەكىلدى ەكى باعىت بار.
اۆتور: رۋسلان عابباسوۆ
