ك. ءماسىموۆ: الەۋمەتتىك جەلىلەردە لاڭكەستەردىڭ ارەكەتىمەن كۇرەستە بىرلەسكەن جانە جۇيەلى شارالار ىسكە اسىرىلۋى ءتيىس
بۇل تۋرالى بۇگىن استاناداعى ورتالىق جانە وڭتۇستىك ازيا ەلدەرىندەگى زورلىق- زومبىلىق ەكسترەميزمگە قارسى ءىس- قيمىل جونىندەگى وڭىرلىك كونفەرەنتسيادا ق ر پرەمەر- ءمينيسترى كارىم ءماسىموۆ ءمالىم ەتتى.
ەكسترەميزمگە جانە لاڭكەستىككە ادامداردى تارتۋدىڭ نەگىزگى ادىستەرىنىڭ ءبىرى ينتەرنەت ارقىلى جۇزەگە اسىرىلاتىندىعىنا توقتالعان پرەمەر- مينيستر:
«ولار الەمدىك جەلىنى بۇلدىرگى يدەولوگيانى، وشپەندىلىك پەن زورلىق- زومبىلىقتى، سودىرلاردى تارتۋ مەن دايارلاۋدى، اقپارات الماسۋ، قىلمىستىق ءىس- قيمىلداردى جوسپارلاۋ جانە ۇيلەستىرۋ ءۇشىن پايدالانادى. ماسەلەن، تانىمال Facebook-تەن What's app-قا دەيىنگى الەۋمەتتىك جەلىلەردە لاڭكەستەردىڭ قارۋلى دجيحادقا شاقىراتىن مالىمدەمەسىن ءبىر تاۋلىكتە 2 ميلليوننان استام ادام قاراپ شىققان. قازاقستان وسى ماتەريالداردى انىقتاپ، توسقاۋىل قويۋدا. الايدا بۇل باعىتتا ءبىزدىڭ كۇش- جىگەر بىرلەسكەن جانە جۇيەلى تۇردە ىسكە اسىرىلۋى ءتيىس. سونىمەن بىرگە ەكسترەميزم مەن لاڭكەستىكتى ناسيحاتتاۋدىڭ جولىن كەسۋدە ازاماتتىق قوعام ۇلكەن ءرول اتقارۋى كەرەك»، - دەدى.
ۇكىمەت باسشىسىنىڭ پايىمىنشا، ەكسترەميزم قاتەرى مەملەكەتتەردىڭ ىنتىماقتاستىعى مەن ۇيلەستىرۋ كۇش- جىگەرىن ۇزاقمەرزىمدى نەگىزدە تەرەڭدەتۋدى تالاپ ەتەدى.
ايتا كەتەيىك، كونفەرەنسيا جۇمىسىنا الەمنىڭ 24 ەلىنەن كەلگەن دەلەگاتسيالار، ياعني ە و مەن رەسەيدىڭ جانە ا ق ش- تىڭ وكىلەتتى ورگاندارىنىڭ وكىلدەرى، ب ۇ ۇ، ە ق ى ق، ش ى ۇ، سونداي- اق باسقا دا حالىقارالىق ۇيىمدار مەن ازاماتتىق قوعامنىڭ، لاڭكەستىك پەن ەكسترەميزمگە قارسى كۇرەس سالاسىنداعى جەتەكشى ساراپشىلار قاتىسۋدا.
اۆتور: رۋسلان عابباسوۆ
