بەيجىڭدە قازاقستان مەن ق ح ر- دىڭ ەكونوميكالىق باعدارلامالارىنىڭ ۇيلەسىمدىلىگى تالقىلاندى - فوتو
شارادا ەلىمىزدىڭ اتىنان قىتايداعى قازاقستاننىڭ توتەنشە جانە وكىلەتتى ەلشىسى شاحرات نۇرىشيەۆ، الەمدىك ەكونوميكا جانە ساياسات ينستيتۋتىنىڭ ديرەكتورى سۇلتان اكىمبەكوۆ، اتقارۋشى ديرەكتوردىڭ ورىنباسارى- ق ر تۇڭعىش پرەزيدەنتى- ۇلت كوشباسشىسى قورىنىڭ الماتىداعى وكىلدىگىنىڭ ديرەكتورى سەرگەي توحتاروۆ، «قوعامدىق پىكىر» زەرتتەۋ ينستيتۋتىنىڭ باسشىلىعى مەن ساراپشى- تالداۋشىلارى، سونداي-اق قازاقستاندىق ديپلوماتيالىق ۆەدومستۆوسىنىڭ قىتايداعى قىزمەتكەرلەرى بولدى.
ەلشى قازاقستان حالقى اسسامبلەياسىنىڭ قىزمەتىنە، ونىڭ ق ر حالقىنىڭ بەيبىتشىلىك پەن رۋحاني كەلىسىمدى قامتاماسىز ەتۋدەگى رولىنە توقتالىپ ءوتتى.
دوڭگەلەك ۇستەلدىڭ قاتىسۋشىلارى قىتايلىق تاراپتىڭ ۇسىنىپ وتىرعان «ءبىر بەلدەۋ، ءبىر جول» قۇرىلىسى مەن قازاقستاننىڭ «نۇرلى جول - بولاشاققا باستار جول» جاڭا ەكونوميكالىق ساياساتى ءبىر-ءبىرىن تولىقتىرىپ جاتقانىن، بۇل ءوز كەزەگىندە ەكىجاقتى ىنتىماقتاستىقتى تەرەڭدەتۋ ءۇشىن جاڭا مۇمكىندىكتەر اشىپ وتىرعانىن تۇجىرىمدادى.
