ۇلت جوسپارى: قازاقستان تاريحى كوز الدىمىزدا جاسالىپ جاتىر - ع. كوشەكبايەۆا
«مەملەكەتتىك رەفورماعا ەلدىڭ بارلىق ازاماتى قاتىسۋعا مىندەتتى. ەلباسى رەفورما مەملەكەتتىك ماشينانىڭ عانا ەمەس، حالىقتىڭ ءىسى ەكەنىن، ويتكەنى ول ۇلتتىڭ سەرپىلىس تابۋىنا قاجەت ەكەنىن ۇنەمى ايتىپ كەلەدى. ال مەملەكەت تابىستىلىعىنىڭ انىقتاۋشى فاكتورى - زاماننىڭ كەز كەلگەن سىن-قاتەرىنە توتەپ بەرە الاتىن حالىق رۋحىنىڭ مىقتىلىعى»، - دەيدى ع. كوشەكبايەۆا.
مەملەكەت باسشىسى ۇسىنعان رەفورمالار ەلدەگى دامۋ قارقىندى ساقتاپ، مەملەكەتتىك باسقارۋدى جەتىلدىرۋ، جەمقورلىقتىڭ تامىرىن شابۋعا كومەكتەسەدى. ۇلت جوسپارىندا جازىلعان ءار قادام - ءبۇتىن ويلاستىرىلعان جۇيەنىڭ ءبىر بولىگى، - دەپ اتاپ ءوتتى ع. كوشەكبايەۆا.
«20-30 جىلدان كەيىن بۇگىن بولىپ جاتقان وقيعالاردىڭ بارلىعى تاريح بولىپ، بىزدەردى تاۋەلسىز قازاقستاننىڭ ءىزاشارلارى دەپ اتايدى. بۇگىندە كوز الدىمىزدا ەلىمىزدىڭ تاريحى قالىپتاسۋدا جانە ءارقايسىمىز وعان قولدان كەلگەنشە ۇلەس قوسىپ، بۇل ماڭىزدى ءجۇز قادامدى ەلمەن بىرگە جاساۋىمىز كەرەك»، - دەپ تۇيىندەدى ءسوزىن ع. كوشەكبايەۆا.
