باۋىرجان رەتبايەۆ: مەن «توي ءانشىسى» ەمەسپىن
ءپروديۋسى ۇلىقپان جولداسوۆتان تۇبەگەيلى كەتىپ، ونەر جولىن جەكە جالعاستىرۋدى كوزدەگەنىن ايتتى.
***
- پروديۋسەردەن كەتكەن باۋىرجان قازىر قايدا ءجۇر؟
- پروديۋسەردەن كەتكەن باۋىرجان ونەردە، ءارى قاراي جۇمىس جاساۋ ۇستىندەمىن، ياعني جەكە ءانشى رەتىندە جاڭا اندەر جازىلۋدا.
- شىعارماشىلىعىڭدا جاڭا اندەردەن بولەك قانداي جاڭالىق بار؟
- كوپتەگەن اقىن، سازگەرلەرمەن بىرگە جۇمىس جاساپ جاتىرمىن، 10 عا جۋىق ءان جازىلدى، ەكى انگە بەينەبايان تۇسىرەمىز دەگەن ويدامىز، ودان كەيىن كۇزگە دەيىن البوم شىعارۋ ويدا بار.
- باسقا پروديۋسەرلەردەن ۇسىنىس تۇسكەن جوق پا؟
- تۇسە قويعان جوق.
- رەتبايەۆ ەندى توي ءانشىسى بولىپ كەتپەي مە؟
- جوق، رەتبايەۆ ەسترادا ءانشىسى، اندەرىمنىڭ بارلىعى ەسترادا جانرىنداعى اندەر، تويعا شىقپايتىن ءانشى جوق دەسەك تە بولاتىن شىعار، اندا-ساندا شاقىرعاننان كەيىن تويعا بارىپ تۇرامىز.
- «قازاقستان داۋىسىنان» العان 5 ميلليوندى قايدا جۇمسادىڭ؟
- جەڭىپ العان 5 ميلليونعا ءۇي ساتىپ الدىم. ال، ونەر جولىنداعى قارجىمدى كوتەرەتىن دەمەۋشىلەرىم بار.
- ەكس پروديۋسەرمەن، توپتا بىرگە بولعان بەردىبەكپەن ارا قاتىناسىڭ قالاي؟
- ۇلىقپان اعامەن دە بەردىبەكپەن دە وتە جاقسى قارىم-قاتىناستامىز، ءالى كۇنگە دەيىن اكەلى بالاداي، اعالى-ىنىدەي جاقسى قارىم قاتىناستامىز، ءبىر-ءبىرىن قازىرگى تاڭدا جەك كورەدى ەكەن دەگەن سياقتى اڭگىمەلەر ەستىپ جاتىرمىن، ونىڭ بارلىعى بوس اڭگىمە، حالىققا سەنبەۋلەرىڭىزدى وتىنەمىن دەگىم كەلەدى.
