ەكاتەرينبوردا قازاقستاندىق ستۋدەنتتەردى قولداۋعا ارنالعان ماقساتتى كاپيتال قورى قۇرىلدى
كەشە ەكاتەرينبوردا ورال فەدەرالدى ۋنيۆەرسيتەتىندە وقىپ جاتقان قازاقستاندىق ۇزدىك ستۋدەنتتەردى قولداۋ ءۇشىن ماقساتتى كاپيتال قورىن قۇرۋ جونىندەگى قۇجاتقا قول قويىلدى.
سايكەس قۇجاتقا ق ر ۇلتتىق قاۋىپسىزدىك كوميتەتىنىڭ ءتوراعاسى، ق ر ۇلتتىق تابيعي عىلىمدار اكادەمياسىنىڭ پرەزيدەنتى، ۋپي، ۋرگۋ جانە ۋرفۋ تۇلەكتەرىنىڭ قازاقستاندىق قاۋىمداستىعى باسقارماسىنىڭ ءتوراعاسى نۇرتاي ابىقايەۆ جانە ۋرپي ءبىرىنشى پرورەكتورى، ۋپي، ۋرگۋ جانە ۋرفۋ تۇلەكتەرى قاۋىمداستىعىنىڭ تەڭ ءتوراعاسى دميتري بۋگروۆ قول قويدى.
ەسكە سالا كەتسەك، 1970-جىلى نۇرتاي ابىقايەۆ ۋرالسك پوليتەحنيكالىق ينستيتۋتىنىڭ مەحانيكا فاكۋلتەتىن (قازىرگى مەحانيكا-ماشينا قۇرىلىسى ينستيتۋتىن) بىتىرگەن.
ونىڭ بەلسەنە قولداۋىمەن 2014-جىلى استانادا ۋپي، ۋرگۋ جانە ۋرفۋ تۇلەكتەرىنىڭ قازاقستاندىق قاۋىمداستىعى قۇرىلىپ، ونىڭ مۇشەلەرى نۇرتاي ابىقايەۆتى ءبىراۋىزدان باسقارما ءتوراعاسى ەتىپ سايلادى.
