و ق و- دا زاڭسىز اڭ اۋلاعان «سپورتشىلار» ۇستالدى
قاسكوي ونسىز دا تۇقىمى قۇرىپ بارا جاتقان جانۋارلاردى وسىلايشا اياۋسىز قىرىپ سالعان. زاڭسىز اڭ اۋلاعان ازاماتتى وتىرار ورمان شارۋاشىلىعىنىڭ قورىقشىلارى مەن تۇركىستاندىق ءتارتىپ ساقشىلارى بىرلەسكەن رەيد كەزىندە قۇرىقتاعان.
قاراتاۋ سىلەمدەرىنىڭ «ۇشكەكىل» شاتقالىندا دەمالىپ جاتقان 12 ادام وزدەرىن تازا اۋادا كۇرەستەن جاتتىعۋ جاساپ جۇرگەن سپورتشىلارمىز دەپ تانىستىرعان. سىرت كوزگە ساياحاتشى بولىپ كورىنگىسى كەلگەن توپ بىردەن كۇدىك تۋدىرادى.
تەكسەرۋ كەزىندە ولاردىڭ تاۋعا ءمىنىپ بارعان كولىكتەرى، ات پەن ەسەكتەرىنىڭ قورجىندارىنا تەڭدەپ ارتىپ قويعان جابايى جانۋارلاردىڭ بولشەكتەلگەن ەتتەرى تابىلعان. توپ جەتەكشىسى تاۋعا جاستاردى جاتتىقتىرۋ ءۇشىن بەس قارۋىن سايلاپ بارعان.
شافحات حاندۋللايەۆ، وتىرار ورمان جانە جانۋارلار الەمىن قورعاۋ جونىندەگى مەملەكەتتىك مەكەمە باسشىسى:
- سۇراستىرعان كەزدە لاگەردە دەمالىپ، جاتتىعۋ جاساپ جۇرگەن سپورتشىلار ەكەندىكتەرىن ايتتى. تەكسەرۋ كەزىندە 4 دانا قاراتاۋ ارقارى مەن ءبىر جابايى شوشقانىڭ ەتتەرى تابىلدى. 5 دانا مىلتىعى بار. وسىلايشا ولار 12 ميلليون تەڭگە زالال كەلتىردى.
ورمان ساقشىلارى الگى ازاماتتان تاركىلەنگەن بەس سۋىق قارۋ مەن بايلانىس قۇرالدارىنا قاراپ تاۋعا الدىن الا دايىندالىپ بارعان توپ دەپ توپشىلاپ وتىر. قازىرگى تاڭدا تاركىلەنگەن قارۋلار مەن جانۋارلار ەتى تۇركىستان قالالىق ىشكى ىستەر بولىمىنە وتكىزىلگەن.
ءىستىڭ اق- قاراسىن قۇزىرلى ورگاندار انىقتايتىن بولادى. «تابيعاتقا كەلگەن شىعىن وتەلگەنىمەن، جانۋارلاردىڭ سانىن قايتا قالپىنا كەلتىرۋ ءۇشىن كوپتەگەن جىلدار كەرەك» دەيدى قورىقشىلار.
www.24.kz
