تاڭىركۇرەسى اتالعان سپورت ءتۇرى تانىستىرىلدى

كونە عاسىرلارداعى تۇركى ەلدەرىنىڭ سپورت تۇرلەرىن عالىم، تاريحشى ارمان نۇرمۇحانبەتوۆ زەرتتەپ ءجۇر. سول كىسىنىڭ باستاماسىمەن وسى سپورتتى جەتىك مەڭگەرگەن رايان كۋش ەسىمدى ازامات حاكاسيادان ەلىمىزگە ارنايى شاقىرتىلىپتى.

قارشادايىنان تاڭىركۇرەسىنىڭ تىلسىمىنا بويلاعان سپورتشى جينالعان جۇرتقا ەرەجەسىن ايتىپ بەردى. «بۇل جاي عانا سپورت ەمەس، ۇلكەن ونەر. جىلدامدىقتى جانە شاپشاڭدىقتى قاجەت ەتەتىن كۇرەستىڭ بولاشاعى جارقىن»، - دەپ سەنەدى ماماندار.

رايان كۋش، تاڭىركۇرەسىنىڭ شەبەرى:

- بۇل - كونە تۇركى حالىقتارىنىڭ ۇلتتىق ونەرى. ءوزىم حاكاسيادا تۋىپ ءوستىم. وسى ءبىر سپورت تۇرىنە قىزىعۋشىلىعىم ارتىپ، تولىققاندى زەرتتەۋگە كىرىستىم. تۇركى تىلدەس ەلدەردىڭ بارلىعىندا بولىپ، تاڭىركۇرەسىنىڭ قىر سىرىنا قانىقتىم. بۇل جاي عانا توبەلەس ەمەس، ءوزىڭدى ءوزىڭ قورعاۋدىڭ، قارسىلاسىڭدى قاس قاعىم ساتتە قاپىدا قالدىرۋدىڭ باستى قۇرالى.

سونداي-اق سۋىق قارۋلاردى قالاي ءتيىمدى قولدانۋ كەرەكتىگىن دە جەتە مەڭگەرىپ شىعاسىڭ.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى