وسكەمەندەگى «بالالار قابىلەتىن دامىتۋ» ورتالىعى بالالارعا تەز ەسەپتەۋدىڭ تاسىلدەرىن ۇيرەتەدى

ول «بيزنەستىڭ جول كارتاسى-2020» باعدارلاماسىنىڭ كومەگىمەن اشىلعان.

مۇندا 5 پەن 11 جاس ارالىعىنداعى بالالار تەز ەسەپتەۋدىڭ تاسىلدەرىن ۇيرەنەدى.

بىلتىر اشىلعان ورتالىق تالىمگەرلەرى رەسپۋبليكالىق بايقاۋلارىندا دا الدىڭعى ورىنداردان كورىنىپ كەلەدى. دارىندى بالا -  دارا بالا. كاسىپكەر جۇلدىز رامازانوۆانىڭ پىكىرى وسى. بالعىندارعا ارنالعان مەگاينتەللەكت ورتالىعىن اشۋ ۇسىنىسىن جۇلدىز ەش ويلانباستان قابىلداپتى.

ورتالىق اشىلعالى كەلىپ جۇرگەن بالالار مەكتەپ باعدارلاماسىنان تىس، كۇردەلى ەسەپتەردى شىعارا الادى.

توزىمدىلىك كەرەك وقۋ ءتاسىلىن مەڭگەرگەن ءاليحان وزگە قاتارلاستارىنا قاراعاندا ويى وزىق. ول بىرنەشە مارتە وليمپيادالاردا توپ جاردى.

ءاليحان سەرىكحانوۆ، وقۋشى:

- مەگاينتەللەكت ساباعىن وقىعاننان باستاپ ماتەماتيكادا جەتىستىگىم ارتا ءتۇستى. ءاردايىم بەس الامىن، تورتتىكتەردى مۇلدە المايمىن. ورتالىق مەملەكەت قولداۋىمەن اشىلعان. سۋبسيدياعا 8 ميلليون تەڭگە قارجى ءبولىنىپ، ورتالىقتى وزىق تەحنولوگيامەن جابدىقتاۋعا جۇمسالىپتى. وسىلايشا، ەل ەرتەڭى ءۇشىن سان- سالادا ەڭبەكتەنىپ جاتقان كاسىپكەرلەرگە مەملەكەت تاراپىنان ۇنەمى قولداۋ بار.

تيمۋر ەكەيەۆ، «دامۋ» كاسىپكەرلىكتى دامىتۋ قورى وبلىستىق فيليالىنىڭ ديرەكتورى:

- قازىر كاسىپكەر رەتىندە ءوز ءىسىن اشام دەۋشىلەرگە وڭتايلى ءساتى تۋدى. سەبەبى ءبىزدىڭ قورىمىز ارقىلى مەملەكەتتىك باعدارلاما كومەگىنە جۇگىنە الادى. سوندىقتان كاسىپكەرلەردىڭ ىشىكى نارىقتان بولەك، سىرتقى نارىققا شىعۋىنا ۇلكەن مۇمكىندىكتەر بار.

جالپى وڭىردە «بيزنەستىڭ جول كارتاسى-2020» باعدارلاماسى بويىنشا 70 جوبا جۇزەگە اسىپ، جۇمىس ىستەۋدە. سونىڭ ءبىرى رەتىندە اشىلعان «بالالاردىڭ قابىلەتىن دامىتۋ» ورتالىعى كەلەشەك ۇرپاقتىڭ ءبىلىمدى بولىپ وسۋىنە جول اشىپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى