شىعىس قازاقستاندا جول ينسپەكتورىنا قىسىم كورسەتكەن پوليتسيا باسشىسى جۇمىستان قۋىلدى
بۇل تۋرالى وبلىستىق دەپارتامەنتتىڭ باسپا ءسوز قىزمەتى راستاپ وتىر. ەكس-پوليتسەيگە «ىشكى ىستەر ءبولىمى قىزمەتكەرىنىڭ ار- نامىس كودەكسىن تاپتادى» دەگەن ايىپ تاعىلعان.
ەسكە سالايىق، اتالمىش ءتارتىپ ساقشىسى باسقارعان اۆتوكولىكتى جول پوليتسەيلەرى توقتاتادى. قاۋىپسىزدىك بەلدىگىن تاقپاعان جۇرگىزۋشىدەن قۇجاتتارىن تالاپ ەتكەن ينسپەكتوردى رينات جاقسىبايەۆ «جۇمىستان قۋىلاسىڭ»، - دەپ قورقىتقان.
بۇل ۆيدەو الەۋمەتتىك جەلىلەرگە تاراپ، ۇلكەن داۋ-داماي تۋدىرعان بولاتىن. قازىرگى تاڭدا جول پوليتسياسىنىڭ ينسپەكتورىنا قاتىستى دا تەرگەۋ امالدارى جۇرگىزىلۋدە.
وبلىستىق ىشكى ىستەر دەپارتامەنتىنىڭ باسپا ءسوز قىزمەتىنىڭ ايتۋىنشا، ول كەۋدە تۇسىنداعى ۆيدەوتىركەۋشىنى ءوز بەتىمەن سوندىرگەن. تەرگەۋشىلەر ۆيدەونىڭ الەۋمەتتىك جەلىگە قالاي جاريالانعانىن دا انىقتاۋعا تىرىسۋدا.
دەرەككوز: استانا تەلەارناسى
