اۋىلدىق وكرۋگتەر بيۋدجەتىن قالىپتاستىرۋ جوسپارلانادى - ق. وسكەنبايەۆ

بۇل تۋرالى بۇگىن ماجىلىستەگى «نۇر وتان» پارتياسى فراكتسياسى جانىنداعى وڭىرلىك ساياسات جانە ماسليحاتتارمەن جۇمىس جونىندەگى كەڭەستىڭ وتىرىسىندا ۇلتتىق ەكونوميكا ۆيتسە- ءمينيسترى قايىربەك وسكەنبايەۆ ءمالىم ەتتى.

كەڭەس جۇمىسىندا ەلىمىزدەگى ءوزىن- ءوزى باسقارۋ تۇجىرىمداماسىن دامىتۋ تۋرالى ماسەلەلەر تالقىلانعان بولاتىن.

 جيىن بارىسىندا بايانداما جاساعان ۆيتسە- ءمينيستردىڭ سوزىنە قاراعاندا، جالپى رەسپۋبليكا بويىنشا 2013 -جىلى 2457 جەرگىلىكتى باسقارۋدىڭ ارنايى بيۋدجەتتەن تىس شوتتارى اشىلعان. «بۇل شوتتارعا كىرىستەر مەملەكەتتىك مۇلىكتى جالعا بەرۋدەن، زاڭدى جانە جەكە تۇلعالاردىڭ ەرىكتى سالىمدارىنان، سىرتقى جارناما ورنالاستىرۋدان، اكىمشىلىك قۇقىق بۇزۋشىلىقتىڭ ايىپپۇلدارىنان تۇسەدى. 2015 -جىلدىڭ 1- مامىرىنداعى جاعداي بويىنشا اتالمىش شوتتارعا شامامەن رەسپۋبليكا بويىنشا 600 ميلليون تەڭگە تۇسكەن»، - دەدى ق. وسكەنبايەۆ.

بۇل رەتتە ۆيسە- مينيستر جەرگىلىكتى ءوزىن- ءوزى باسقارۋدىڭ باقىلاۋ شوتىنداعى تۇسىمدەردىڭ باسىم بولىگى زاڭدى جانە جەكە تۇلعالاردىڭ ەرىكتى جارنالارى ەكەنىن اتاپ ءوتتى.

ونىڭ ايتۋىنشا، تۇجىرىمدامانى جۇزەگە اسىرۋدىڭ باستاپقى كەزەڭىندە اتالعان قاراجات اۋقىمدى بولماعانىمەن، بۇل قاراجاتتىڭ ءتۇسىمى جانە جۇمسالۋ تەتىگى جەرگىلىكتى جۇرتشىلىقتىڭ جەرگىلىكتى قاۋىمداستىق ىستەرىنە قاتىستى بەلسەندىلىگىن ارتتىرادى.

«جالپىلاما الساق، 2018 -جىلعا قاراي اۋىلدىق وكرۋگتەر بيۋدجەتىن ىسكە قوسۋ جوسپارلانادى. دەگەنمەن، ولار تومەنگى بۋىن دەڭگەيىندەگى وكىلەتتى ورگاندار قۇرىلمايىنشا اۋداندىق ماسليحاتتارمەن بەكىتىلەتىن بولادى»، دەدى ق. وسكەنبايەۆ.

 ەسكە سالا كەتەيىك، ق ر پرەزيدەنتىنىڭ جارلىعىمەن 2012 - جىلى جەرگىلىكتى ءوزىن- ءوزى باسقارۋ تۇجىرىمداماسى بەكىتىلگەن بولاتىن. ال 2013 - جىلى جەرگىلىكتى باسقارۋدى دامىتۋعا باعىتتالعان زاڭ نورمالارى قابىلدانىپ، وندا جەرگىلىكتى اكىمدەر سايلاۋ ماسەلەسى، تومەنگى بۋىن اكىمدەرىنىڭ قارجىلىق جانە ەكونوميكالىق دەربەستىگى قامتىلعان ەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى