قىتايدا سوتتالعان اقجارقىن تۇرلىبايدىڭ قورعاۋشىلارى اپەللياتسيالىق شاعىم ءتۇسىردى

 بۇل تۋرالى ونىڭ قورعاۋشىسى سۇڭقار نۇرماعامبەتوۆ حابارلادى.

«قىتايدا زاڭمەن بەلگىلەنگەن ۋاقىت ارالىعىندا اقجارقىن تۇرلىبايعا قاتىستى شىققان سوت شەشىمىنە اپەللياتسيالىق شاعىم تۇسىردىك. قورعاۋشى تاراپ اقجارقىننىڭ كىناسىزدىگىن ءالى دالەلدەۋگە تىرىسادى. الدىن الا اقپارات بويىنشا، ق ر س ءى م ديپلوماتيالىق جولدار ارقىلى قىتايداعى جوعارعى سوت ورگاندارىنا اپەللياتسيالىق شاعىم جولدادى. شاعىم قارالاتىن كۇن بەلگىلەنگەن كەزدە قورعاۋشى تاراپ پەن اقجارقىننىڭ تۋىستارى قىتايعا اتتانامىز»، - دەدى س. نۇرماعامبەتوۆ.

 ادۆوكات ماسەلەنىڭ وڭ شەشىمىن تابارىنا ۇمىتتەنىپ وتىر.

ايتا كەتەيىك، بىلتىر ناۋرىزدىڭ 3 ىندە 20 جاسار قازاقستاندىق بويجەتكەن اقجارقىن تۇرلىباي گۋاڭجوۋ اۋەجايىندا ۇستالعان بولاتىن. ونىڭ سومكەسىنەن ءتارتىپ ساقشىلارى ەسىرتكى تاپتى. 1 جىلدان اسا ۋاقىتقا سوزىلعان سوت پروتسەسىنەن كەيىن قىتاي سوتى ونى ءومىر بويى باس بوستاندىعىنان ايىرۋ تۋرالى شەشىم قابىلدادى.

ق ر س ءى م وكىلدەرى قىتاي مەن قازاقستان اراسىنداعى سوتتالعاندارمەن الماسۋ باعدارلاماسىنا سايكەس ونى وتانىنا قايتارۋ مۇمكىندىگىن قاراستىرىپ جاتقانىن حابارلادى.

 اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى