پالەستينالىقتار يزرايلدى حالىقارالىق سوتقا بەردى
سوتقا بەرىلگەن ماتەريالداردا سونداي-اق يزرايلدىڭ باتىس جاعالاۋىندا زاڭسىز قۇرىلىستار جۇرگىزگەنى تۋرالى حابارلانعان. يزرايل بيلىگى تاعىلعان ايىپتى جوققا شىعاردى.
بۇعان دەيىن وسى اپتادا ب ۇ ۇ- نىڭ ادام قۇقىقتارى جونىندەگى كەڭەسىنىڭ كوميسسياسى تەرگەۋ قورىتىندىلارىنا سايكەس، 2014-جىلدىڭ جازىندا گازاداعى قاقتىعىستىڭ ەكى تاراپىنان دا اسكەري قىلمىستار جاسالعانىن حابارلاعان.
ب ۇ ۇ- نىڭ مالىمەتىنشە، گازا سەكتورىنداعى 50 كۇندىك شابۋىلدىڭ سالدارىنان از دەگەندە 2189 پالەستينالىقتىڭ، سونىڭ ىشىندە 1486 بەيبىت تۇرعىننىڭ قازا تاپقانى حابارلاندى. 11 مىڭ ادام جارالانعان.
يزرايلدىڭ 67 ساربازى مەرت بولىپ، التى بەيبىت تۇرعىنى كوز جۇمدى، ونداعان ادام جاراقاتتاندى.
