استانادا جۋرناليستەر اراسىندا «نۇر سۇڭقار» سىيلىعىنىڭ يەگەرلەرى ماراپاتتالدى

جەڭىمپازداردىڭ ءارقايسىسى 1 ميلليون تەڭگەگە يە بولدى.

جىل سايىن «نۇر وتان» پارتياسىنىڭ ۇيىمداستىرىلۋىمەن وتەتىن بايقاۋدا توعىز اتالىم بويىنشا جەڭىمپازدار انىقتالدى. بيىلعى جىلدىڭ باستى ەرەكشەلىگى - تاعى ەكى اتالىمنىڭ قوسىلعانى. ول - جەمقورلىققا قارسى كۇرەس ىسىنە قاتىستى ەڭ ۇزدىك ماتەريال مەن ەڭ ۇزدىك راديو جۋرناليستەرگە بەرىلەتىن «قوعام داۋىسى» اتالىمدارى.

بيىل «كوزقاراس - ەڭ ۇزدىك بلوگەر» اتالىمىنداعى «نۇر سۇڭقار» سىيلىعى بەلگىلى قازاقستاندىق بلوگەر تيمۋر كۋبەكوۆكە بۇيىردى.

«مۇنايلى استانا» گازەتىنىڭ رەداكتورى سماديار قۇتتىگەرەي مەن «ناش كوستاناي» باسىلىمىنىڭ رەداكتورى الەكساندر كۋزميچيەۆ «ايماق ايناسى» اتالىمى بويىنشا جەڭىمپاز اتاندى.

رەسپۋبليكالىق «كازاحستانسكايا پراۆدا» گازەتىنىڭ شولۋشىسى يۋليا ماگەرگە گازەت-جۋرنالداردىڭ ەڭ ۇزدىك جۋرناليسى رەتىندە «ءسوز شەبەرى» اتالىمى بويىنشا «نۇر سۇڭقار» سىيلىعى تابىس ەتىلدى.

«قازاقستان» تەلەارناسىنىڭ «اپتا. ك ز» ساراپتامالىق باعدارلاماسىنىڭ باسشىسى ەركىن تاڭاتقان ۇلى «ەرەكشە پىكىر» اتالىمى بويىنشا ەڭ ۇزدىك تەليەۆيزيالىق جۋرناليست رەتىندە تانىلدى.

«حابار» اگەنتتىگىنىڭ باسقارما ءتوراعاسى ايدوس ۇكىباي «نۇر سۇڭقار» بايقاۋىنىڭ «قازاقستاندىق جۋرناليستيكاعا قوسقان ۇلەسى ءۇشىن» نوميناتسياسىن جەڭىپ الدى. سونىمەن قاتار «نۇر وتان» پارتياسىنىڭ قىزمەتىنە قاتىستى ەڭ ۇزدىك ماتەريالى ءۇشىن «نۇر سۇڭقار» سىيلىعىنىڭ لاۋرەاتى بولىپ «استانا» تەلەارناسىنىڭ مەنشىكتى تىلشىسى يرينا ياكۋنينا اتالدى.

«Baq.kz» اقپارات اگەنتتىگىنىڭ باس رەداكتورى سەرعالي بالاجان «مەديا-پروفي» اتالىمى بويىنشا «نۇر-سۇڭقار» سىيلىعىن يەلەندى. جەمقورلىققا قارسى كۇرەس ىسىنە قاتىستى ەڭ ۇزدىك ماتەريال اتالىمى بويىنشا «31 تەلەارنا» ارناسىنىڭ شەف-رەداكتورى گۇلبانۋ ايۋپوۆا جەڭىمپاز اتاندى. بيىل جاڭادان قوسىلعان ەڭ ۇزدىك راديوجۋرناليستەرگە بەرىلەتىن «قوعام داۋىسى» اتالىمىندا «وردا FM« ديرەكتورى ازامات يسايەۆ پەن قازاق راديوسىنىڭ «قايىرلى تاڭ» باعدارلاماسىنىڭ رەداكتورى قۇرالاي جۇماحان ۇزدىك دەپ تانىلدى.

اشىلۋ سالتاناتى راسىمىندە «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ب ا ق وكىلدەرىن كاسىبي مەرەكەسىمەن قۇتتىقتادى. «نۇر سۇڭقار» سىيلىعىنىڭ مارتەبەسى جىلدان جىلعا ارتىپ كەلەدى. جۋرناليستەردەن كەلەتىن وتىنىشتەردىڭ سانى دا ارتۋدا. ءبىر ايتا كەتەرلىك جايت، بيىل كەلگەن ماتەريالداردىڭ 65 پايىزى قازاق تىلىندە جازاتىن جۋرناليستەردەن كەلىپ وتىر. ال 70 پايىزى ءبىزدىڭ وڭىرلەردەن كەلىپ ءتۇستى»، - دەپ اتاپ ءوتتى ول.

«جۋرناليستەردى، ب ا ق قىزمەتكەرلەرىن الدا كەلە جاتقان مەرەكەلەرىڭىزبەن قۇتتىقتايمىن!»، - دەدى ب. بايبەك.

بيىلعى جىلى ەلىمىزدىڭ بارلىق ايماعىنان «نۇر سۇڭقار» بايقاۋىنا 220 ءوتىنىش كەلىپ ءتۇستى. بايقاۋعا ەلباسى، «نۇر وتان» پارتياسى ءتوراعاسى نۇرسۇلتان نازاربايەۆ قويعان مىندەتتەردىڭ جۇزەگە اسىرىلۋىن، «قازاقستان-2050» ستراتەگياسىنىڭ باسىمدىقتارىن، «نۇر وتان» پارتياسى دوكتريناسىنىڭ قاعيدالارىن، سونداي-اق پارتيالىق باستامالاردى جان- جاقتى كورسەتكەن ەڭبەكتەر قابىلداندى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى