ماڭعىستاۋدا تابيعي ەسكەرتكىشتەر، جەراستى مەشىتتەرى نىساندارىنا اپاراتىن جولدار سالىنادى
جۇمىستار ايماقتىڭ تۋريستىك نىساندارىنىڭ كولىكتىك قولجەتىمدىلىگى مەن ينجەنەرلىك ينفراقۇرىلىمىن قامتاماسىز ەتۋ جوسپارىنا سايكەس جۇرگىزىلۋدە. بۇل تۋرالى ماڭعىستاۋ وبلىسى تۋريزم باسقارماسىنىڭ باستىعى گۇلجان بايجاۋىنوۆا حابارلادى.
«ءبىرىنشى كەزەكتە، كوممۋنيكاتسيالىق جۇيەلەر كاسپيي تەڭىزىنىڭ اقتاۋ قالاسى جاعالاۋىنداعى جاعاجاي ءتۋريزمى جانە ويىن- ساۋىق يندۋسترياسىن دامىتۋ اۋداندارىندا كەرەك»، - دەپ حابارلادى گ. بايجاۋىنوۆا.
ونىڭ ايتۋىنشا، وبلىس اكىمى اليك ايداربايەۆ اقتاۋ قالاسىنىڭ اكىمدىگىنە اقتاۋداعى دەمالىس بازالارى، جاعالاۋ بويىنشا قاجەتتى ينفراقۇرىلىمدى (ەلەكترمەن قامتۋ، سۋمەن قامتۋ، جول، گازبەن قامتۋ جانە كارىز) سالۋعا تەن مەن ج س ق-نى ازىرلەۋدى تاپسىرعان.
«2015 -جىلعى جەرگىلىكتى بيۋدجەتتى ناقتىلاۋ كەزىندە ءومىرزاق اۋىلىنان باستاپ دەمالىس بازالارىنا دەيىن 6 ميلليون تەڭگە سوماسىنا جولدار سالۋ ۇسىنىسى ەنگىزىلگەن. اعىمداعى جوندەۋ جۇمىستارى اياقتالىپ قالدى، ءبىراق ءبىز جولدى ودان دا جاقسى ەتكىمىز كەلەدى. بەرگەن ءوتىنىمىمىز بەكىتىلدى»، - دەپ باياندادى ماڭعىستاۋ وبلىسى تۋريزم باسقارماسىنىڭ باستىعى.
