فرانسيالىق قاريالاردىڭ باستارىنا بۇلت ۇيىرىلۋى مۇمكىن
زەينەتاقى اۋدارىمدارىنان باس تارتۋ ەلدەگى توقىراۋعا ۇشىراعان بيزنەس تۇيىتكىلىن شەشۋدىڭ بىردەن ءبىر جولى بولىپ وتىر. ال اقشا جيناماعان قارتتار ءۇشىن بۇل رەفورما كەدەيلىك قامىتىن موينىنا ارتقانمەن بىردەي.
ونىڭ ۇستىنە ەل بيۋدجەتىندەگى زەيناتاقى تولەمدەرى بۇگىن- ەرتەڭ ءبىتىپ قالۋى مۇمكىن. فرانتسيا بۇل ماسەلەنى شەشۋ ءۇشىن قانداي قادامدارعا بارماق؟ فرانسيانىڭ زەينەتاقى جۇيەسىندە تۇيتكىلدەر بۇرىننان بار. ونىڭ ۇستىنە رەفورما سوڭعى ساتتەرگە دەيىن شەگەرىلىپ كەلدى. ەندى قازىر ادامدارعا بەرىلەتىن قارجىنىڭ كوپ ۇزاماي تاۋسىلاتىنى بەلگىلى بولىپ وتىر.
وسىلاي جالعاسا بەرسە، 3 جىلدان كەيىن مەملەكەتتىك قىزمەتشىلەر، ال 13 جىلدان سوڭ جەكە سەكتورداعىلار قارجىسىز قالۋى مۇمكىن. فرانسيا زەينەتاقىسى 1993 -جىلدان بەرى 3 بولىكتەن تۇرادى. مەملەكەت تاراپىنان بەرىلەتىن مىندەتتىسى - ازاماتتاردىڭ جەكە جيناعى جانە جۇمىس بەرۋشىلەردىڭ اۋدارىمدارى.
بۇل تۇيتكىل ەۋروپاعا داعدارىس كەلگەننەن كەيىن تۋىندادى. مەملەكەتتىك بيۋجەتتىڭ ءتۇبى كورىنە باستادى. قازىر ەڭبەككە قابىلەتتى ەلدەگى ءاربىر ونىنشى تۇرعىن جۇمىس تابا الماي سەندەلىپ ءجۇر.
ماري-جوزە كوتليكي، جالپى ەڭبەك كونفەدەراتسياسىنىڭ باس حاتشىسى:
- كاسىپكەرلەر الەۋمەتتىك قورعاۋعا، ونىڭ ىشىندە قوسىمشا زەينەتاقىعا كوك تيىن جۇمساعىسى جوق. ولار الەۋمەتتىك سەرىكتەستىككە اتسالىسۋدى ءبىرجولا دوعارعىسى كەلەدى. شۆەتسيادا وسىعان ۇقساس جۇيە 4 جىلدىڭ ىشىندە زەينەتاقى اۋدارىمدارىنىڭ %10 دان استامىن جوق قىلدى. بۇل زەينەتكەرلەردى توناۋ عوي.
قازىرگى زەينەتاقى جۇيەسىن وڭشىل ساياسي اعىم وكىلدەرى قاتاڭ سىناپ كەلەدى. ولار «مۇنىڭ عۇمىرى قىسقا» دەيدى.
ارنو روبينە، فرانسيانىڭ ۇلتتىق اسسامبلەياسىنىڭ دەپۋتاتى:
- 2020 -جىلى زەينەتاقى تاپشىلىعى 15 ميلليارد ەۋروعا جەتەدى دەپ كۇتىلۋدە. سىزدەر %2 دى جەلەۋ ەتىپ، قيالي بولجام جاساپ وتىرسىزدار. قوسىمشا زەينەتاقى جۇيەسى قۇلدىرايدى. جاۋاكەرشىلىكتى الەۋمەتتىك سەرىكتەستەرگە ارتىپ وتىرسىزدار. زەينەتاقى جۇيەسىدەگى تاپشىلىق تەرەڭدەپ بارادى. وسىلاي جالعاسا بەرە مە؟
ماريسول تۋرەن، الەۋمەتتىك ىستەر، دەنساۋلىق ساقتاۋ جانە ايەلدەر ءىسى جونىندەگى مينيستر: - 2011 -جىلى الدىڭعى ۇكىمەت ءبىزدى 6 ميلليارد ەۋرو قارجى جەتىسپەۋشىلىگىنە ۇرىندىرعانىن اشىق ايتۋعا تيىسسىزدەر. ال ءبىز جاعدايدى تۇزەدىك.
اقشانى قايدان الۋ كەرەكتىگىن مينيستر بىلمەيدى. اتقامىنەرلەر بۇدان دا قيىن كەزدەر بولعان دەپ جۇباتۋمەن- اق كەلەدى. قالاي دەسەك تە، بيلىك حالىقتىڭ ەڭبەكاقىسىنان بيۋدجەتكە كوپ اقشا اۋدارىلعانىن جانە ولاردىڭ ارتىق جۇمىس ىستەگەنىن قالاپ وتىر.
ماري- جوزە كوتليكي، جالپى ەڭبەك كونفەدەراتسياسىنىڭ باس حاتشىسى:
- پىكىرتالاس 67 جاستان باستالدى، ءبىراق قازىر ءبىز 65 كە توقتالدىق. كەلەسى كەزەڭ - قوسىمشا زەينەتاقى اۋدارىمدارىن قارجىلاندىرۋ بويىنشا كەلىسسوزدەردى اياقتاۋ. كاسىپورىندار ءسىزدىڭ زەينەتاقىڭىزعا قانشا اقشا اۋدارىلعانىن ءسىز بىلمەيتىندەي جۇيە بولعانىن قالايدى. وسىلايشا كەلەر كۇنگە دەگەن كۇدىگىڭىزدى ارتا تۇسەدى.
سەنىمسىزدىك زامانى قازىردەن تۋعان سياقتى. بيىل ينفلياتسيا دەڭگەيىن يندەكساتسيالاۋ جۇرگىزىلمەدى. بيلىك باسىنداعى سوتسياليستەر 2017 -جىلعى پرەزيدەنت سايلاۋىنا دەيىن ەشقانداي وزگەرىس بولمايدى دەپ وتىر. ال زەينەتاقى جۇيەسىندەگى تاپشىلىقتىڭ ورنىن تولتىرۋعا كەرەك اقشانى قايدان الامىز دەگەن وپپوزيتسيانىڭ سۇراعى تاعى دا جاۋاپسىز قالدى.
www.24.kz
