سپۋتنيكتەن تۇسىرىلگەن الەمنىڭ جانە قازاقستاننىڭ ەرەكشە جەرلەرى

مۇنداي ورىنداردىڭ كوبى سيۆيليزاتسيادان تىس جەرلەردەن بولىپ شىعادى.

كەي جاعدايدا ەرەكشە ورىنداردىڭ قولدانۋشىلاردى قىزىقتىرۋ ماقساتىندا Google سەرۆيس ارقىلى جاسالىناتىنى انىقتالدى. Tengrinews.kz قازاقستانداعى ەرەكشە ورىنداردىڭ سۋرەتتەرىنىڭ جيناعىن ۇسىنادى.

 Google Maps-تا كوپ قارالاتىن قازاقستانداعى تانىمال نىسانداردىڭ ءبىرى - قوستاناي وبلىسىنداعى ليساكوۆسك ماڭىندا ورنالاسقان بۇرىنعى پيونەرلەر لاگەرى. پەنتاگراممانىڭ ديامەترى - 360 مەتر.

دوڭگەلەك نىشان تالدار مەن جولداردان بەينەلەنگەن. ايتا كەتۋ كەرەك، دوڭگەلەكتىڭ ىشىندەگى جۇلدىز فرانسۋز ەليفاس ليەۆي جان تۇرشىگەرلىك دەپ ساناعان تەرىس پەنتاگرامماعا ۇقسايدى. نىسان تۋرالى Daily Mail باسىلىمى جازدى، ال بۇرىنعى ۇشقىش كۋرت يەيتستىڭ ايتۋىنشا، مۇنداي بەلگىلەر كەڭەس داۋىرىندە راكەتاعا قارسى قورعانىستىڭ جۇيەسىندە قولدانىلعان. دەگەنمەن، ماماندار بۇل بەلگىنىڭ لاگەردە كەڭەستىك نىشان رەتىندە پايدالانىلعانىن ايتتى.

Google Maps كارتاسىنان تابىلعان تاعى ءبىر جۇلدىز اقتاۋعا جاقىن ماڭداعى قۇمدى دالادا ورنالاسقان. پەنتاگراممانىڭ ديامەترى 200 مەترگە جۋىق. بۇنىڭ نە ەكەنىن ءالى ەشكىم انىقتامادى. دەگەنمەن، اۆياتسيا اۋەسقويلارى بۇل جەردە بۇرىن دەلتادروم بولعان دەپ بولجادى. ولاردىڭ ايتۋىنشا، جەر بەتىندەگى ءىز دەلتاموتوردىڭ ارباسىنان قالعان. ال جۇلدىزدىڭ بەس ۇشىن جەلدىڭ باعىتىن انىقتاۋ ءۇشىن پايدالانعان.

جاقىن ارادا قولدانۋشىلار اتىراۋ وبلىسىنان تاعى ءبىر "قاندى كول" تاپتى. عالىمدار مۇنى توپىراق جانە بالدىرلارلاردىڭ تۇسىمەن بايلانىستىردى.

كەڭەس ءداۋىرىن ەسكە تۇسىرەتىن تاعى ءبىر نىسان قازاقستان مەن رەسەيدىڭ شەكاراسىندا ورنالاسقان.

جازۋ اعاشتارمەن جاسالىنعان. ولاردىڭ قاشان وتىرعىزىلعانى بەلگىسىز، دەگەنمەن 1970 -جىلى لەنيننىڭ 100 -جىلدىعىنا ارنالعانى انىق. سۋرەتتەن اعاشتارعا ءالى دە كۇتىم جاسالىناتىنىن اڭعارۋعا بولادى.

قىزىلوردا وبلىسىنىڭ دالالىق جەرىنەن 3D- مودەلىندەگى عارىش كەمەسىن تابۋعا بولادى. سۋرەت اۆتورىنىڭ ايۋىنشا، 1988 -جىلدىڭ 15 قاراشاسىنداعى تاريحي شاتتل وسى جەردە ورنالاسقان.

ينتەرنەتتەن اقپارات ىزدەگەندە، جالعىز "بۋراننىڭ" بايقوڭىردا جويىلعانىن بىلۋگە بولادى. ول "ەنەرگيا" اتتى تاسىمالداعىش راكەتامەن بىرگە ساقتالىنعان. ال 3D- مودەلوسى ماكەتتى نەگىزگە الا وتىرىپ جاسالىنعان.

قازاقستاندا ەگىستىك القاپتارىنان دومالاق بەينەلەردى كورۋگە بولادى. ۋفولوگتاردىڭ ايتۋىنشا، مۇنى جات عالامشارلىقتار قالدىرعان. بۇعان مىسال - قاپشاعاي ماڭىنداعى القاپتا تۇسىرىلگەن سۋرەت.

دەگەنمەن، بۇل جەر سۋارۋ ءۇشىن جاسالىنعان زاماناۋي اۆتوماتتى جۇيە بولۋى مۇمكىن. سپۋتنيكتەن قاراعاندا بۇل ورىن شىنىمەن دە قىزىقتى كورىنەدى.

 ەگىستىكتەگى بەلگىلەر ۇنەمى دوڭگەلەك بولا بەرمەيدى. كوپ جاعدايدا ولار ءار ءتۇرلى بەينەدە بولادى. مۇنداي جەرلەر انگليا بىرنەشە رەت تابىلعان.

ءىشى پىسقان فەرمەرلەر وسىنداي دا بەينەلەر جاساعان.

ال انتاركتيدادان مۇزعا قاتىپ قالعان ۇشاقتى بايقاۋعا بولادى. اۋە كەمەسى بۇل جەرگە قاشان بارعانى، نە سەبەپتى قاتىپ قالعانى بەلگىسىز.

تاعى ءبىر ۇشاقتى ا ق ش- تان تابۋعا بولادى. ول اعاشتاردىڭ ورتاسىندا جاتىر. سۋرەتتەن مۇنىڭ ۇلكەن ۇشاق ەكەنىن اڭعارۋعا بولادى.

سپۋتنيكتەن تۇسىرىلگەن تاعى ءبىر فوتو شوتلانديادا ىستەلىنگەن. لوح- نەسس وزەنىنەن سۋدا ءجۇزىپ بارا جاتقان وعاش نىساندى اڭعارۋعا بولادى..

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى