قىرعىزستاندا ءبىر جىنىستى نەكەگە قارسى قۇجات ەكىنشى وقىلىمنان ءوتتى

قۇجاتتى 90 دەپۋتات قولداپ، ەكى دەپۋتات قارسى داۋىس بەردى.

زاڭ جوباسى ەندى ءۇشىنشى وقىلىمدا تالقىلانۋى ءتيىس. قۇجات ماقۇلدانسا، ول پرەزيدەنتتىڭ قول قويۋىنا جىبەرىلەدى.

زاڭ جوباسى قابىلدانسا، وندا «گوموسەكسۋاليزمدى ناسيحاتتاعاندار» التى ايدان ءبىر جىلعا دەيىن تۇرمە جازاسىنا كەسىلەدى. ءبىر جىنىستى نەكەنى «ب ا ق ارقىلى ناسيحاتتاعان» جۋرناليستەر دە جاۋاپقا تارتىلادى. زاڭ جوباسى بۇعان قوسا گوموسەكسۋاليستەردىڭ ءوز قۇقىقتارىن قورعايتىن ۇيىم قۇرۋىنا تىيىم سالادى.

حالىقارالىق قۇقىق قورعاۋ ۇيىمدارى بۇعان دەيىن زاڭ جوباسىن سىناعان. Human Rights Watch ۇيىمى قۇجاتتى «كەمسىتۋشىلىكتىڭ سوراقى ءتۇرى» دەپ اتاپ، قىرعىزستاندى زاڭ جوباسىنان باس تارتۋعا شاقىرعان.

2013 -جىلى رەسەيدە دە تۋرا وسىنداي زاڭ قابىلدانعان.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى