نوبەل سىيلىعى يەگەرىنىڭ وقۋ باعدارلاماسى قازاقستان مەكتەپتەرىنە ەنگىزىلۋى ىقتيمال

«بۇل باعدارلاما بالالاردىڭ قىزىعۋشىلىعىن، ىنتاسىن جاستايىنان عىلىمعا باعىتتاۋدى ۇيرەتەدى، سونداي- اق ولاردىڭ بىلۋگە دەگەن قۇشتارلىعىن ءتيىمدى پايدالانۋعا نەگىزدەلگەن. سوندىقتان  «La main à la pâte»  باعدارلاماسىن جىلجىتۋ ءبىز ءۇشىن قىزىقتى. قازىرگى ۋاقىتتا 55 مەملەكەتتە اتالعان ادىستەمە قولدانىلۋدا. دەگەنمەن ورتالىق ازيادا ول تارالا قويعان جوق. ءبىز باعدارلامانىڭ الدىمەن قازاقستاندا ەنگىزىلگەنىن قالايمىز. بىلتىر فرانسيا جانە قازاقستان پرەزيدەنتتەرىنىڭ كەزدەسۋىندە تالقىلانعان ماسەلەلەردىڭ ءبىرى وسى بولاتىن»، - دەيدى فرانسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن.

«La main à la pâte» باعدارلاماسى العاش رەت فرانسيادا ەنگىزىلگەن بولاتىن. نوبەل سىيلىعىن العاننان كەيىن د. چارپاك مەكتەپتەردە وقىتۋ ادىستەمەسىنىڭ دۇرىس ەمەستىگىنە كوز جەتكىزەدى. سودان باستاپ ول بالانىڭ بىلۋگە دەگەن البىرت ىنتاسىن ءبىلىم مەن عىلىمعا ءتيىمدى پايدالانۋدىڭ ادىستەمەسىن جاساعان. سودان بەرى فرانسۋز مەكتەپتەرىندە بالالار وزدەرىنە تانىس قۇرالدار مەن ادىستەردى پايدالانا وتىرىپ، عىلىمدى وزدىگىنەن بىلۋگە ۇيرەتىلە باستادى.

«اتالمىش سەمينار بارىسىندا قاتىسۋشىلار ارنايى قارار قابىلدادى جانە ول ەكونوميكالىق ىنتىماقتاستىق ۇيىمى ەلدەرىنىڭ پرەزيدەنتتەرىنە جىبەرىلەدى. سەبەبى بۇل ادىستەمە بۇۇ- نىڭ 2013-2030 -جىلدارعا ارنالعان تۇراقتى دامۋ باعدارلاماسى ماسەلەلەرىن شەشۋگە باعىتتالعان. بۇل سەمينار وسى باعدارلاما اياسىندا وقىتۋدىڭ داندەرىن ەكتى، ءۇش كۇن بويى قازاقستاننان 60 قا تارتا وقىتۋشى قاتىستى. بۇل باستاما قازاقستاندا تامىرىن جاياتىنىنا ۇمىتتەنەمىز»، - دەيدى ە ى ۇ عىلىم قورىنىڭ پرەزيدەنتى، پروفەسسور مانزۋر سوومرو.

ۇيىمداستىرۋشىلاردىڭ ايتۋىنشا، بۇل باعدارلامانى قازاقستان ەنگىزەتىنى نە ەنگىزبەيتىنى ءالى بەلگىسىز. دەگەنمەن ونىڭ العاشقى تانىستىرىلىمى ءوتتى جانە ونىڭ ۇتىمدى ادىستەمە ەكەنىنە كوز جەتكىزىلدى.

ايتا كەتۋ كەرەك، ق ر ءبىلىم جانە عىلىم مينيسترلىگى عىلىم كوميتەتى، سونداي-اق ەكونوميكالىق ىنتىماقتاستىق ۇيىمى عىلىم قورىنىڭ ۇيىمداستىرۋىمەن وتكەن سەمينارعا 15 ەلدەن 30 دان استام وكىل قاتىستى. سونىمەن بىرگە حالىقارالىق ۇيىمداردان 19 وكىل كەلدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى