كاسپيدە رەسەي، ءازىربايجان، يران جانە تۇركىمەنستاننىڭ اۋماقتىق سۋلارىندا اسكەري- تەڭىز كۇشتەرى جورىققا شىعادى - فوتو

 ءجۇزۋ ءۇردىسىن زەردەلەۋ ءۇشىن كورابلدەر توبى كاسپي تەڭىزى بويىنشا جورىققا شىعادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.

ودان باسقا، ەكيپاجدار جۇزبەلى نىسانا ارقىلى كورابل بورتىنان اتىس قارۋىنان وق اتۋلاردى جۇرگىزەدى. قازاقستاندىق اسكەري كورابلدەر رەسەي فەدەراتسياسى، ازەربايجان رەسپۋبليكاسى، يران يسلام رەسپۋبليكاسى جانە تۇركىمەنستان رەسپۋبليكاسىنىڭ اۋماقتىق سۋلارىن بويلاي كاسپيي تەڭىزىنىڭ سۋ ايدىنى ارقىلى وتەدى. وقۋ اتىستارى قازاقستان رەسپۋبليكاسىنىڭ اۋماقتىق سۋلارىندا №217 جانە 244 اۋدانداردا وتكىزىلەتىن بولادى.

وتكەلدەگى جەتەكشى 29011 اسكەري ءبولىمىنىڭ كومانديرى 2-دارەجەلى كاپيتان قانات نيازبەكوۆ ەكەنىن اتاپ وتكەن ءجون.

كاسپي ءوڭىرى قازاقستان مەن الەم مەملەكەتتەرىنىڭ ەكونوميكاسى ءۇشىن ءمانى زور. كاسپي تەڭىزىنىڭ قازاقستاندىق سەكتورىندا مەملەكەتتىك شەكاراعا قول سۇعىلماۋ، اۋماقتىق تۇتاستىقتى، ەگەمەندىكتى، قازاقستان رەسپۋبليكاسىنىڭ ەكونوميكالىق مۇددەلەرىن قورعاۋ ق ر  ق ك اسكەري- تەڭىز كۇشتەرىنىڭ باستى مىندەتى. اسكەري- تەڭىز كۇشتەرى جوسپارلى دامىپ كەلە جاتقانىن، كورابلدەردى قۇراستىرۋ جانە ساتىپ الۋ جونىندەگى قارقىندى جۇمىس جۇرگىزىلىپ جاتقانىن ايتا كەتۋ قاجەت. سوڭعى ءۇش جىلدا «زەنيت» ورال زاۋىتى» ا ق وتاندىق كاسىپورنىندا قۇرىلعان 3 زىمىران- ارتيللەريالىق كورابل ىسكە قوسىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى