قىتايدىڭ يۋانى ەسەپ ايىرىسۋ ۆاليۋتاسى رەتىندە ەۋرونى شاڭ قاپتىردى

بيىلعى جىلدىڭ «كۇزى» الەمدىك قارجى نارىقتارىنا ءبىراز قيىنشىلىقتار اكەلۋى ىقتيمال. قارجى سالاسى ماماندارىنىڭ بولجامىنشا، 2015-جىلدىڭ اياعىنا قاراي فەدەرالدىق رەزەرۆتىك جۇيە ساياساتى قاتاڭداتىلىپ، پايىزدىق مولشەرلەمەنى كوتەرۋ سيكلى باستالادى.

ال «فينانس.رۋ» ساراپشىلارىنىڭ ايتۋىلارىنشا، بۇعان، بىرىنشىدەن، گرەكيانىڭ ەۋروايماقتان شىعۋ ىقتيمالدىعى جانە ەكىنشىدەن قىتايلىق يۋان پوزيتسياسىنىڭ ءوسۋى سەبەپ بولا الادى.

قازىرگى تاڭدا قىتاي ەكونوميكاسى قارىشتاپ دامىپ كەلە جاتقانى بەلگىلى. ماسەلەن، حالىقارالىق «SWIFT» جۇيەسى دەرەكتەرىنە سۇيەنسەك، يۋان قولدانىستاعى ۆاليۋتا جارىسىندا ەۋرونى شاڭ قاپتىرىپ، دوللاردان كەيىنگى ەكىنشى ورىنعا ورنىققان.

قىتايلىق يۋان ەسەپ ايىرىسۋ ۆاليۋتاسى رەتىندەگى دە رەيتينگىن جاقسارتقان. مىسالى، 2010-جىلى ول 35-ورىندا بولسا، 2015-جىلى 5-ورىنعا دەيىن كوتەرىلگەن.

بۇل جايت الەمدىك ساۋداداعى دوللار ەكسپانسياسى مەن ۇستەمدىگىن جويۋعا ىقپالىن تيگىزۋدە. ال بۇل ازيا ايماعى، شىعىس ەۋروپا جانە رەسەيگە جاعىمدى اسەر ەتىپ، باتىس پەن امەريكانىڭ الاڭداۋشىلىعىن تۋدىرۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى