قازاقستان مەن تۇركىمەنستان اراسىنداعى كاسپي تەڭىزىنىڭ ءتۇبىن ءبولۋ تۋرالى كەلىسىم قابىلداندى - پارلامەنت
ق ر سىرتقى ىستەر ءمينيسترى ەرلان ىدىرىسوۆتىڭ ايتۋىنشا، اتالعان كەلىسىمگە 2014-جىلدىڭ 2- جەلتوقسانىندا اشحاباد قالاسىندا ق ر پرەزيدەنتى نۇرسۇلتان نازاربايەۆتىڭ تۇركىمەنستانعا ساپارى اياسىندا مەملەكەت باسشىسى مەن تۇركىمەنستان پرەزيدەنتى گۋربانگۋلى بەردىمۋحامەدوۆ اراسىندا قول قويىلعان.
«كەلىسىمنىڭ باستى ماقساتى ەكى ەل اراسىندا كاسپي تەڭىزىنىڭ ءتۇبىن جانە قويناۋىن ءبولۋ سىزىعىن بەلگىلەۋ بولىپ تابىلادى. بۇل ارقىلى قازاقستان مەن تۇركىمەنستان جەر قويناۋىن پايدالانۋعا قاتىستى سۋۆەرەندى قۇقىعىن جۇرگىزۋ ءۇشىن جاعىمدى جاعدايلار قالىپتاساتىن بولادى»، - دەدى س ءى م.
ونىڭ ايتۋىنا قاراعاندا، كەلىسىمدە ءبولۋ سىزىعىنىڭ باستاپقى نۇكتەسى بولىپ قازاقستان مەن تۇركىمەنستان اراسىنداعى ەكى ەلدىڭ شەكاراسىن دەليميتاتسيالاۋ جونىندەگى 2001-جىلدىڭ 5- شىلدەسىندەگى كەلىسىم-شارتتىڭ 1№ قوسىمشاسىندا كورسەتىلگەن 13№ شەكارالىق نۇكتە رەتىندە قاراستىرىلعان. ال ءبولۋ سىزىعىنىڭ سوڭعى نۇكتەسى جەكە حالىقارالىق كەلىسىم-شارت بويىنشا ايقىندالاتىن قازاقستان، تۇركىمەنستان مەن ازەربايجان اراسىنداعى تەڭىزدەگى ءبولۋ سىزىعىنىڭ تۇيىسكەن نۇكتەسى بولىپ تابىلادى.
تۇتاستاي العاندا، اتالعان كەلىسىم قازاقستان مەن تۇركىمەنستان اراسىنداعى كاسپي تەڭىزىنىڭ ءتۇبىن بولۋگە قاتىستى قازاقستان مەن تۇركىمەنستان اراسىندا داۋلاردى بولدىرماۋعا، كاسپي تەڭىزىنىڭ تۇبىمەن جەر قويناۋىنىڭ رەسۋرستارىن بارلاۋعا، يگەرۋگە ارنالعان ەگەمەندى قۇقىقتاردى ءتيىمدى جۇزەگە اسىرۋعا مۇمكىندىك بەرەدى. سونىمەن قاتار، كاسپي تەڭىزى ءتۇبىنىڭ قازاقستاندىق سەكتورىنىڭ حالىقارالىق تارتىلعان شەكتەرىن ايقىنداۋ پروتسەسىن اياقتاۋعا ىقپال ەتەتىن بولادى. وسىنىڭ ناتيجەسىندە قازاقستان كاسپي تەڭىزىنىڭ وزىنە تيەسىلى بولىگىندە جەراستى بارلاۋ جۇمىستارىن جۇرگىزە الادى.
پارلامەنت سەناتى قابىلداعان زاڭ مەملەكەت باسشىسىنىڭ قول قويۋىنا جولدانادى.
اۆتور: قانات مامەتقازى ۇلى
