گەرمانيادا وتكەن ايەلدەردىڭ «قاندى» كۇرەسى كوپشىلىكتىڭ جاعاسىن ۇستاتتى - فوتو
«قاندى كۇرەستى» كوزىمەن كورگەندەر «ادامزاتقا مۇنداي ايەلدەر كۇرەسى قاجەت پە؟» دەگەن ساۋال تاستادى.
بۇل تۋرالى sports.ru عا سىلتەمە جاساپ NUR. KZ حابارلادى.
بەرلين قالاسىندا UFC Fight Night 69 تۋرنيرى ءوتىپ، وندا دجواننا ەندجەيچيك پەن دجەسسيكا پەننە ەسىمدى نازىك جاندىلار كۇش سىناستى. ەكەۋىنىڭ اراسىنداعى جەكپە-جەك كۇرەس م م ا- ليگاسى تاريحىنداعى ەڭ قاندى كۇرەس اتاندى.
كۇرەستىڭ العاشقى مينۋتىنان باستاپ، ەندجەيچيك كيكبوكسينگتەن ارالاس كۇرەسكە ءوتۋ ارقىلى قارسىلاسىن اياۋسىز سوققىعا الدى. پەنەنى تەپكىنىڭ استىنا العان بويجەتكەن قارسىلاسىنىڭ جۇزىنەن ساۋ ورىن قالدىرماعان.
ءۇش راۋند بويى سوققىلارىنا شىداپ بەرگەن پەنەنىڭ بەتى قان-جوسا بولعاننان كەيىن عانا تورەشى كۇرەستى توقتاتۋعا شەشىم قابىلداعان.
كۇرەس اياقتالعاننان كەيىن ەندجەيچيك قارسىلاسىنا ەش جاماندىق ويلاماعانىن جانە جەك كورىنىشىتىڭ دە ورىن الماعانىن ايتقان.
«پەننە UFC تيتۋلى ءۇشىن كۇرەسكە شىقپاس بۇرىن ونى توردىڭ ىشىندە ەشكىم اياي قويمايتىنىنا دايىن بولۋى ءتيىس ەدى. مەن وعان ەرەكشە جەك كورىنىشپەن دە قاراعان ەمەسپىن. تەك جاتتىقتىرۋشىلارىمدى تىڭداپ، شابۋىلعا كىرىستىم»، - دەيدى دجواننا.
كۇرەستىڭ تورەشىسى ماركۋ گوددارتۋدى بۇل كۇرەستەن كەيىن سىنعا العاندار كوپ بولعان. وزىنە ايتىلعان ايىپتاۋلارعا بايلانىستى تورەشى جەكپە-جەك ەرەجەلەرگە ساي وتكەنىن العا تارتقان.
سەبەبى پەننەنىڭ ءوزى اۋىر جاراقاتتارعا قاراماستان كۇرەستى جالعاستىرا بەرگەن. ال ونىڭ سەكۋندانتتارى كۇرەستى توقتاتۋعا تىرىسپاعان. مۇنداي جاعدايدا كۇرەستە كۇزەتشىلىك ەتەتىن دارىگەرلەر بريگاداسى بارىنە توقتاۋ سالىپ، پەننەگە كومەك كورسەتۋى ءتيىس بولعان. الايدا ولاردا كۇرەسكە ارالاسا قويمادى.
اقىرىندا بارلىعى كىنانى ءبىر-بىرىنە ارتۋعا كىرىسكەن. ولار «بۇل سونداي اياۋسىز سپورت ءتۇرى» دەپ اقتالۋمەن بولدى. وسى ورايدا، «نازىك جاندىلار ءۇشىن مۇنداي «قاتىگەز» سپورت ءتۇرى قانشالىقتى قاجەت؟» دەگەن ساۋال تۋىندايدى.
