ق ر ۇلتتىق بانكىنىڭ باسشىسى ق. كەلىمبەتوۆ اقپارات اگەنتتىگىنە سۇحبات بەردى

برەندان گريليمەن، توم كينمەن جانە ۆوني كۋيننمەن اڭگىمە بارىسىندا ق ر ۇلتتىق بانكىنىڭ باسشىسى ەلدىڭ اقشا- نەسيە ساياساتى تۋرالى اڭگىمەلەدى.

«قازاقستان جاڭا اقشا ساياساتىنا كوشتى. بەكىتىلگەن قاتاڭ ۆاليۋتا باعامىنان ورالىمدى باعامعا كوشۋگە تىرىسۋدا. بۇل ۇدەرىس ورتاشا ەسەپپەن 5 جىلدى الادى»، - دەپ اتاپ ءوتتى ق. كەلىمبەتوۆ.

سونداي- اق ول قازىرگى كەزدە تەڭگەنىڭ دوللارعا قاتىستى باعامى تۇراقتى ەكەنىن قوستى.

«قازىرگى كەزدە قازاقستاندى ورتالىق ازياداعى ەكىنشى سينگاپۋر دەپ سانايدى. بىزدە بۇرىنعى كەڭەستىك رەسپۋبليكالار ەلدەرىنىڭ اراسىندا ەڭ باسەكەگە قابىلەتتى ەكونوميكا بار»، - دەدى ۇلتتىق بانك ءتوراعاسى سۇحبات بارىسىندا.

سونداي- اق ول قازاقستانداعى ۇلتتىق بانكتىڭ جۇمىس باعىتتارىنىڭ ءبىرى استانادا حالىقارالىق قارجى ورتالىعىن دامىتۋ ەكەنىن اتاپ ءوتتى.

 Bloomberg - كاسىبي قارجى نارىقتارى قاتىسۋشىلارى ءۇشىن جەتەكشى قارجى اقپاراتىن ەكى جەتكىزۋشىنىڭ ءبىرى. نەگىزگى ءونىمى - Bloomberg Terminal، ول ارقىلى بارلىق الەمدىك بيرجالاردىڭ، بيرجادان تىس نارىقتاردىڭ دەرلىك اعىمداعى جانە تاريحي باعالارىنا، Bloomberg اگەنتتىگىنىڭ جاڭالىقتار لەنتاسىنا جانە باسقا دا جەتەكشى بۇقارالىق اقپارات قۇرالدارىنا، وبليگاتسيالار مەن باسقا دا باعالى قاعازدارعا، ەلەكتروندىق ساۋدا جۇيەسىنە قول جەتكىزۋگە بولادى. اگەنتتىكتىڭ ارنايى تەلەارنالارى، جۋرنالدارى، سايتتارى، ۇيالى قوندىرعىلارى جانە ءوز راديوسى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى