قازاقستان قىرعىز رەسپۋبليكاسىنا اقىسىز اسكەري- تەحنيكالىق كومەك كورسەتەدى - فوتو
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
«تاۋەلسىزدىك العاننان باستاپ ەلىمىزدىڭ اراسىنداعى ەكىجاقتى قارىم- قاتىناستار دوستىق پەن ىنتىماقتاستىق رۋحىندا دامىپ كەلەدى.
ەلىمىزدىڭ اراسىندا ءوزارا ءىس- قيمىلدىڭ قامتىلماعان سالالارى قالعان جوق، سونىڭ ايعاعى رەتىندە ساياسي، ەكونوميكالىق، مادەني جانە اسكەري سالالارداعى بەلسەندى سۇحباتتار بولىپ تابىلادى. مەملەكەت باسشىسى نۇرسۇلتان ءابىش ۇلى نازاربايەۆ ءبىزدىڭ وڭىردەگى تۇراقتىلىق پەن قاۋىپسىزدىكتى قامتاماسىز ەتۋ ماسەلەلەرىنە باسا ءمان بەرەدى. وسىنى نەگىزگە الا وتىرىپ، اۋعانستانداعى جانە ىرگەلەس ورنالاسقان اۋماقتاردىڭ جاۋىنگەرلىك ءىس- قيمىلدارعا نەگىزدەلگەن شەتەل مەملەكەتتەرىنىڭ جاۋىنگەرلىك دايارلىق تاجىريبەسىن زەردەلەي وتىرىپ، ءوزىمىزدىڭ قارۋلى كۇشتەرىمىزدى نىعايتۋعا بارىنشا كۇش- جىگەر سالىپ جاتىرمىز»، - دەدى ق ر قورعانىس ءمينيسترى يمانعالي تاسماعامبەتوۆ.
مينيستر ارىپتەسىنە ەكىجاقتى نەمەسە ورتاازيالىق بىرلەسكەن وقۋ- جاتتىعۋلاردى ءتۇرلى ستسەناريلەر بويىنشا وتكىزۋ مۇمكىندىگىن قاراستىرۋدى ۇسىندى.
«سونىمەن قاتار ءبىزدىڭ قارۋلى كۇشتەردىڭ جەدەل ۇيلەسىمدىلىگىن ارتتىراتىن تاۋلى- ورماندى جەرلەردە جاۋىنگەرلىك ءىس- قيمىلداردى جۇرگىزۋ مۇمكىندىكتەرىن، زاڭسىز قارۋلانعان قۇرالىمدارمەن كۇرەسۋ تۇرلەرى مەن ادىستەرىن زەردەلەي وتىرىپ، جاۋىنگەرلىك دايارلىق اياسىندا تاجىريبە الماسۋ ماقساتىندا ءبىزدىڭ ساراپشىلاردىڭ كەزدەسۋىن وتكىزۋدى ۇسىنامىن. قىرعىزستاننىڭ اۋماعىنىڭ %95 تاۋلى جەر قۇرايدى جانە سايكەسىنشە بۇل ماسەلەدە تاجىريبەلەرىڭىز مول. قازاقستانداعى تاۋلى اۋماق %10 عانا، ءبىراق سونىڭ وزىندە جاۋىنگەرلىك ءىس- قيمىلدار وتەتىن مەملەكەتتەردىڭ اۋماعىمەن ىرگەلەس. سوندىقتان تاجىريبەنى زەردەلەۋ جانە ءبىزدىڭ بولىمشەلەردى دايىنداۋ ءبىز ءۇشىن وتە ماڭىزدى. تاۋلى- ورماندى جەرلەردە جاۋىنگەرلىك دايارلىق اياسىندا تاجىريبە الماسۋ وتە ماڭىزدى»، - دەپ اتاپ ءوتتى ي. تاسماعامبەتوۆ.
ودان باسقا، قازاقستان رەسپۋبليكاسىنىڭ قورعانىس ءمينيسترى قازاقستانداعى جاۋىنگەرلىك دايارلىق كۋرستارىندا قىرعىز اسكەري قىزمەتشىلەرىن دايارلاۋ ماسەلەسى اياقتالۋ كەزەڭىندە تۇرعانىن حابارلادى. جىلدىڭ سوڭىنا دەيىن كەلىسىمشارتقا باس شتاب باستىقتارىنىڭ ورىنباسارلارى دەڭگەيىندە قول قويىلادى جانە 2016 - جىلدان باستاپ قازاقستاندا قىرعىز اسكەري قىزمەتشىلەرىن دايىنداۋ باستالادى.
ءسوز سوڭىندا قورعانىس ۆەدومستۆولارىنىڭ باسشىلارى قىرعىز رەسپۋبليكاسىنا اقىسىز اسكەري- تەحنيكالىق كومەك كورسەتۋ تۋرالى كەلىسىمگە قول قويدى.
ايتا كەتەيىك، قازىرگى ۋاقىتتا ق ر قورعانىس مينيسترلىگىنىڭ اسكەري وقۋ ورىندارىندا قىرعىز رەسپۋبليكاسىنىڭ 64 اسكەري قىزمەتشىسى دايىندىقتان ءوتىپ جاتقانىن اتاپ وتكەن ءجون. ونىڭ 2 وفيتسەر- تىڭداۋشى جانە 62 ءسى كۋرسانت. 1998 - جىلدان باستاپ 2015 - جىلعا دەيىن ق ر قورعانىس مينيسترلىگىنىڭ اسكەري وقۋ ورىندارىندا بارلىعى قىرعىز رەسپۋبليكاسى قارۋلى كۇشتەرىنىڭ 186 اسكەري قىزمەتشىسى ءبىلىم الدى. ولاردىڭ 29 ى وفيتسەر- تىڭداۋشى، 157 ءسى كۋرسانتتار.
