قازاقستانعا گەرمانيانىڭ مىنىلگەن كولىكتەرى قايتا اكەلىنە باستاۋى مۇمكىن
مۇنداي بولجامدى Almaty.tv تەلەارناسىنىڭ ەفيرىندە تانىمال قازاقستاندىق ەكونوميست ءۋاليحان تولەشوۆ ايتتى.
ەكونوميست قازاقستان د س ۇ- عا مۇشە ەلدەردىڭ قاتارىنا رەسمي تۇردە قوسىلعان ساتتەن باستالاتىن بەيىمدەلۋ كەزەڭىن بارىنشا ءوز پايداسىنا شەشە ءبىلۋى ءتيىس دەپ سانايدى.
«يمپورتتىق كەدەندىك تاريف 20 جىل ىشىندە 20 پايىزعا جەڭىلدەتىلەدى. سول ۋاقىت ارالىعىندا وتاندىق كولىك قۇراستىرۋشىلار، وندىرۋشىلەر جەدەل بەيىمدەلىپ، اياعىنان تۇرۋى ءتيىس. ەگەر ولاي ەتە الماسا ءجوندى كولىك قۇراستىرۋ ءوندىرىسىن قالىپتاستىرا المايمىز»، - دەدى ۋ. تولەشوۆ.
