استانادا ماڭعىستاۋ وبلىسىنىڭ مادەنيەت كۇندەرى اياقتالدى - فوتو

وبلىستىق تاريحي- ولكەتانۋ مۋزەيى وتكىزگەن كورمە اياسىندا ەلوردا تۇرعىندارىنا ساندىك- قولدانبالى ونەر ۇلگىلەرى، سونداي- اق ولكەنىڭ تاماشا كورىكتى جەرلەرى مەن ونەركاسىپتىك- ەكونوميكالىق دامۋ جايلى فوتوسۋرەتتەر كورسەتىلدى.

«استانادا جىل سوڭىنا دەيىن قازاقستاننىڭ بارلىق وبلىستارىنىڭ مادەنيەت كۇندەرى وتەدى، ولاردىڭ اراسىندا ماڭعىستاۋ وبلىسى ءبىرىنشى بولىپ كەلدى. 22-23 - ماۋسىم كۇندەرى بىزدەردە شىعارماشىلىق كەشتەر مەن كونسەرتتەر بولدى، ال بۇگىن تاريحي- ولكەتانۋ مۋزەيىنىڭ كورمەسىن ۇسىنىپ وتىرمىز. ءبىز ءوزىمىزدىڭ ۇلتتىق بايلىعىمىز كيىز ءۇيدى، ونىڭ جابدىقتارىن، زەرگەرلىك بۇيىمداردى جانە كوركەمسۋرەت شىعارمالارىن اكەلدىك»، دەدى ماڭعىستاۋ وبلىسى مادەنيەت باسقارماسىنىڭ باستىعى گۇلنار بازاراليەۆا.

استاناداعى مادەنيەت كۇندەرى ونەر شەبەرلەرىنىڭ مەرەكەلىك گالا- كونسەرتىمەن اياقتالدى.

«بۇگىنگى كونسەرتپەن استانا تۇرعىندارىنا ولكەمىزدىڭ ونەرىن ۇسىندىق، ول ءۇشىن ارنايى 270 ادام كەلدى. ءاربىر ءوڭىردىڭ ءوز ەرەكشەلىكتەرى بار، ءبىز سونى بايقاتتىق. كورەرمەندەر زور قوشەمەت كورسەتتى»، - دەپ اتاپ ءوتتى گ. بازاراليەۆا.

ەسكە سالا كەتەيىك، ماڭعىستاۋ وبلىسىنىڭ مادەنيەت جانە ونەر كۇندەرى استانادا 22-24 - ماۋسىم كۇندەرى ءوتتى. بۇل كەزەڭدە اقىن وڭايگۇل تۇرجانوۆانىڭ شىعارماشىلىق كەشى، كۇيشى سەرجان شاكىراتتىڭ كونسەرتى، «ابىلاي حان» سپەكتاكلى بولدى، ال بالعىن كورەرمەندەر ءۇشىن قۋىرشاق تەاترىنىڭ ورىنداۋىندا «قاڭباق شال» ەرتەگىسىن كورسەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى